16.3 C
Hakha
Sunday, August 1, 2021
- Advertisement -

Ṭial Tharmi

Sui Hlei Tial bulhnak tangka ting 120 leng a chuak cang

Kan farnu Sui Hlei Tial thawngpang a theimi vawlei kil 4 um Chinmi hohmanh nih an celh cio lo, ni 2 chungah ramkip um Chinmi 250 leng nih bulhnak tangka $9,641 (Kawlram ting 120 leng) an pek cang.

Australia um CBN nih nizaan tihni ah Gofundme ah Sui Hlei Tial bulhnak a tuah i atutiang ah minung 49 nih $2,198 an pek cang.

The Chinland Post nih nizaan ah Gofundme ah Sui Hlei Tial bulhnak a tuah ve i atutiang ah minung 202 nih $7,443 an pek cang.

TCP nih cun $5,000 hmuhpiak dingin aa tinh nain, thawngpang a theimi paoh nih an lungfah an celh cio lo caah ni 1 chungah mah zat bak an pek manh.

Mah pinah, pumpak in bulhnak a petu an um len. Ramchung zongah pumpak in bulhnak a pemi tete an um.

Malaysia ram ah a ummi ngaknu Sui Hlei Tial, kum 21 cu September 29 zaan ah a umnak Sungai Buloh khua ah inn dot 9 cungin a tla sual i a nunnak liam.

A chungkhar umnak Thantlang khua ah alu phum dinngin Malaysia um chungkhat le Myanmar Tanzung tawlrelnak in a ruak cu October 3 ah Myanmar ah an kuat.

October 4 zaanlei 4:30pm ah Thantlang khua cu an phakpi nain Thantlang COVID-19 Committee nih khua luh lai Laipawng Lung ah a kham hna i khua chung luhpi a sian hna lo.

“Khua chung luhpi loin khua helnak lam in kan kalpi lai i hawi vuinak thlanmual ah kan vui lai” an ti zongah a sian hna lo.

Malaysia Myanmar Tanzung nih “inn cung in a tlaknak in a thi (COVID-19 a ngei lo)” tiin ca a tialpiak mi

Malaysia sizung Hospital Sungai Buloh le Myanmar Tanzung nih “inn cungin a tlak caah a thi (COVID-19 a ngei lo)” tiin ca an ṭialpiakmi zong cu an piah ko hna nain a duh lo – khua luh lai lamkam ah khor a cawh i a phumter hna.

Mah ruangah vawleipumpi um Chinmi vialte kan lung a fak dih. Kan lungfahnak kan langhter ciomi an theih hnu October 7 dei hlan 12:20am ah an chuahter ṭhan hna i thlanmual ah an vuiter hna.

Hitin Lai nunphung a serhsat i limhang ngei lo le saram nak niam deuh in a kan tuahtu Thantlang COVID-19 Committee hi Kawl lawngte an si, Laimi an i tel lo.

Sui Hlei Tial bulh a duh vemi nih atanglei langhtermi 2 ahhin na duhmi sin paoh ah bulh khawh asi rih:

  1. CBN (Australia)
  2. The Chinland Post (USA)
- Advertisement -

Ṭial Tharmi

Myanmar uknak firtu Min Aung Hlaing nih ‘thimnak kan tuah lai’ ati than

Myanmar mipi thimmi cozah uknak a chuttu ralkap bawizik Min Aung Hlaing nih thla 6 hnu tuni ah, "party dihlak telh in thimnak kan...

Australia Chinmi chungin palik officer kan ngeih hmasa bikmi Sang Bawi hmurka

Sang Bawi (hmanthlak) hi Australia ram ah Chinmi chungin palik officer a kan ṭuanpiak kho hmasa bikmi asi. Queensland state khualipi Brisbane ah Police...

Malaysia: Pu John Kham le CRC nih COVID-19 mizaw Chinmi rawl an chanh hna lai

Malaysia um Chinmi zohkhenhnak bu Chin Refugee Committee (CRC) le Pu John Kham nih CRC zung pawng sang 6: PuduImbiLoke YewMaluriJalan Sungai Besi leBukit Bintang...
- Advertisement -

CNF le CDF nih Kawl Ralkap 26 leng an thah hna

Chin National Front/Army (CNF/A) le a ṭengnge Chinland Defense Force (CDF) nih July 19 in 31 kar ah Kawl Ralkap 26 leng an thah...

Malaysia: KL le Selangor um Chinmi vialte appointment hau loin raikhamsi chunh khawh asi

Kuala Lumpur le Selangor um ramdangmi vialte, UNHCR card ngei he ngei lo he appointment sok hau loin August 9 in 22 tiang raikhamsi...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -