15.1 C
Hakha
Monday, June 21, 2021
- Advertisement -

Ṭial Tharmi

South Korea nih Myanmar tthanchonak caah $1 billion a cawih

  • South Korea cawihmi tangka cu Myanmar chawleh ṭhanchonak, cinthlaknak, lekṭhik le lamsul/innlo caah hman asi lai.

Myanmar chawleh ṭhanchonak caah South Korea nih $1 billion cawih dingin September 3 ah, Ramdang Chawleh Pehtlaihnak le Investment Vuanci U Thaung Tun le South Korea Ramdang Vuanci Ms Kang Kyung-wha nih lungtlinnak minsen an thut.

South Korea President Moon Jae-in nih Kawlram a tlawn lio ah minsen an thut hi si.

U Thaung Tun nih, “minsen kan thutmi chungah, cawihmi tangka cu ṭhanchonak rian 9 ṭuannak caah hman ding ti asi. Cinthlaknak, Saṭhil Zuatnak le Lei Ti Laknak Vuanci Zung nih $57 million cu khuate lei/dum tuahnak le Ayeyarwaddy Delta Area ṭhanchonak rian caah a hman lai,” tiah a chim.

Lamsual le Pehtlaihnak Vuanci Zung nih $45 million cu chanthar tlanglawng lam sernak le $700 million cu Mandalay – Myitkyina tlanglawng lam caah a hman lai.

Lekṭhik le Sehtha Vuanci Zung nih $50 million cu mei ṭhennak le mei zung chapnak le $79 million cu mei tha ṭhaternak caah a hman lai.

Sakremhnak Vuanci Zung nih $60 million cu Korea – Myanmar Industrial Complex mei, ti le lam sernak caah a hman lai. $20 million cu Myanmar – Korea Hawikomhnak Dala Hlei saknak caah a hman lai i $79 million cu Watayar Hlei saknak caah a hman lai.

Suu Kyi le South Korea President tonnak

Rampi Ruahnak Petu Daw Aung San Suu Kyi le South Korea President cu tonnak an ngei i ram 2 pehtlaihnak ṭhatter chin ding le nunphung, sianginn, chawlehnak, investment, lamsul, sehtha, tangka, Myanmar cinthlaknak bawmh rih ding, Myanmar ah Korea nih fawi deuh in investment a tuah khawhnak dingah pehtlaihnak zung on ding le ram 2 kar khualtlawng karhternak kong hna an ceih.

President Moon Jae-in nih, “Myanmar ram ah lamsul le innlo ṭhanchoternak caah Korea nih bawmh rih ding kong zong kan ceih. Korea – Myanmar Chawlehnak Hmun ṭhanchoter ding le hika ah South Korea company pawl lut dingin forhfialnak kong zong kan ceih,” tiah a chim.

Tangka cawihmi lungtlinnak minsen an thut pinah; cawhleh ṭhanchonak rian ah i bawmh ding, Myanmar ram ah Korea company pawl nih fawi deuh in chawlehnak an tuah khawhnak dingah Yangon ah pehtlaihnak zung on ding, chawlehnak le sehzung ah i bawmh ding, thil kuatnak le tilawng dinhnak remhnak kong le lam le innlo saknak ah i bawmh ding, science le technology le chanthar chawleh kawlnak ah i bawmh ding zongin minsen an thut.

- Advertisement -

Ṭial Tharmi

Malaysia um refugee pawl cu ‘CanSino’ raikhamsi chunh an si lai

Malaysia um refugee pawl zong raikhamsi chunh an si ve ko lai. CanSino raikhamsi chunh an si lai, tiah Malaysia cozah nih a thanh. Malaysia...

Chin refugee an i telnak Malaysia movie nih Shanghai ah ‘movie ṭhabik laksawng’ a ngah

'Barbarian Invasion' timi Malaysia um Chin refugee 2 an i telnak movie nih China ram Shanghai ah movie ṭhabik laksawng Jury Grand Prix a...

Russia ah Min Aung Hlaing a phan

Myanmar uknak firtu ralkap bawizik Min Aung Hlaing cu humhimnak meeting kai dingin nizaan ah Russia khualipi Moscow a phan. February 1 ah uknak...
- Advertisement -

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -