12.5 C
Hakha
Monday, February 24, 2020
More

    South Korea bank 2 nih Kawlram ah branch on dingin an sok

    Follow Us

    99,982FansLike
    441SubscribersSubscribe

    Ṭial Tharmi

    - Advertisement -

    Yangon ah income-tlawmmi nih cawk awk inn le chawlehnak inn tampi sa dingin sachoh a ngahmi South Korea banks 2 nih Kawlram ah an bank branch on dingin license an sok.

    Myanmar cozah nih license a pek hna ahcun, South Korea bank nganbik a si vemi KB Kookmin Bank le Industrial Bank of Korea (IBK) cu 2nk le 3nk Kawlram lut South Korea bank an si lai. 1nk cu 2016 ah Shinhan Bank nih a on cang.

    Atu hi KB Kookmin le IBK cu Kawlram ah zung an ngei veve cang nain bank branch onnak license an ngah rih lo.

    Bank 2 rianṭuan pawl nih The Korea Times sinah “Myanmar ram bank chawlehnak ah i tel kan duh” tiah an chim.

    Atutiang ah Myanmar nih ramdang bank 2 license a pek cang hna. Tu kum dongh ah pakhat ka pek rih lai, tiah naite ah thawng a thanh.

    KB Kookmin Bank CEO Hur Yin cu South Korea President Moon Jea-in he kan hnu thla ah Myanmar an tlawng. Mah lio cun KB Kookmin Bank nih Yangon cozah he sifak cawk awk inn sak i bawm dingin minsen a thut.

    Mah lio ah, IBK CEO Kim Do-jin nih Myanmar cozah bank ‘Central Bank of Myanmar’ lutlai a ton ve. IBK cu Yangon khuahriang ah South Korea le Myanmar i bawm in chawlehnak inn/zung tampi sak rian ah aa tel vemi asi.

    Korea le Myanmar i bawm in chawlehnak inn/zung tampi sak an timhmi hi anmah ram 2 i bawm in sak hmasa bikmi asi lai. Hlegu Township ah tu kum in sak an thok lai.

    Leh hnih (2019 in 2021 tiang le 2022 in 2024 tiang) in an sak lai. Sak rian cu South Korea cozah ngeihmi Korea Land and Housing Corporation nih a hruai lai. Mah hi South Korea khuapi inn saknak, zohkhenhnak le kilvennak ṭuanvo latu asi.

    South Korea nih Kawlram sehzung thil chuahnak, lam cawhnak, mei, dinti, inn saknak le service, tbk., business 117 ah US$3.9 billion a hman/invest.

    A miak hmuh ding i ruahchan in Kawlram chawlehnak ah tangka a hmangmi (investors) ram 50 an um. South Korea hi 6nk tangka tambik a hmangmi asi.

    Nawlnak: Kan website chung ca hi website dangah copy piak lo dingin kan in nawl hna.
    Tial Lian Thang
    Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.