Sifak Cu Mirum Nakin An Nunkhua A Tawi Deuh

A rummi US pa hna cu buaktlak in kum 78 tiang an nung kho ti a si. Kherhleinak an tuahmi ah an hmuhmi cu sifahnak nih US pa pawl i an nunnak kum 10 le US nu i an nunnak kum 7 in a zorter (nunkhua a tawiter deuh) ti a si.

Liamcia kum 25 atutiang hlathlainak an tuah tikah an hmuhmi cu vawlei cung nu vialte lakah a nunkhua sau bikmi cu Japan nu an si. A tlangpi in chim ahcun buaktlakin kum 84 tiang silole 84 cung tiang an nung.

America ram i State 50 chungah a nunkhua saumi, a thaumi, kuakzumi, sifakmi hna le ngandamnak he pehtlai in an konglam vialte hlathleinak an tuah hi a si.

Kherhlainak an tuahmi phichuak cu American Journal of Public Health ah langhter a si. Mirum cu sifak nakin kum 10 an nunkhua a sau deuh ti a si.

Acunglei i kherhleinak an tuah ningah phaisa lut a tlawm i sifak chungkhar in a chuakmi hngakchia cheukhat hna cu ttha tein an tthanlianh khawhnak ding caah zohkhenhnak phaisa an i za lo tiah an ti fawn.

Cherhchan: Reuters

Be the first to comment

Leave a Reply

Your email address will not be published.


*