Shan mirum nuva nih Covid-19 raikhamsii cawknak ah 1 Billion Kyats an hlut

- Advertisement -

Myanmar ram ca Covid-19 raikhamsii cawknak ah Excellent Fortune Development Group (EFD Group) ngeitu le dirhtu simi U Sai Myo Win nih 1 billion Kyats a hlut.

Tangka cu Yangon ramtthen Vuancichoh U Phyo Min Thein nih a cohlan i U Sai Myo Win cu upatnak roca a pek.

EFD Group cu 2012 ahkhan U Sai Myo Win le a nupi Nan Khin Myint Yee nih an rak dirhmi a si.

U Sai Myo Win cu EFD Group lawng siloin Bank le Insurance company zong a ngeimi a si.

Tutan 1 Billion Kyats a hlutmi ah a tanglei a company pawl in an si hna.

  1. Excellent Fortune Development Group (EFD Group) – 500 Million Kyats
  2. A rauh hlan ah on dingmi Farmers Development Public Bank (FDB Bank) – 300 Million Kyats
  3. Excellent Fortune Life Insurance (EFIL) – 100 Million Kyats
  4. Excellent Fortune General Insurance (EFIG) – 100 Million Kyats

U Sai Myo Win nih, “January 25 ah Covid-19 raikhamsii cawknak caah 1 Billion Kyats cozah sinah kan hlut.

“Tangka a kan cohlang i lawmhnakbia a kan chimtu Yangon ramtthen Vuancichoh U Phyo Min Thein, Secretary le cozah rianttuan nan dihlak cungah kan i lawm tuk hringhran.

“Atu bantukin Myanmar ram mipi Covid-19 pulrai chung in kan luat zokzok khawhnak hnga a herhmi raikhamsii cawknak caah tangka kan hlut khawhmi hi kan i lunghmuih tuk” tiah a ti.

U Sai Myo Win le a nupi Nan Khin Myint Yee nih Covid-19 aa thokka ahkhan Yangon ah chikhat Covid-19 mizaw zohkhenhnak Fortune Plaza-We Love Yangon Happy COVID Center an sak i cozah sinah an hlut cang fawn.

Azi
Azi
Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cangmi asi.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih.Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...