15.1 C
Hakha
Monday, June 21, 2021
- Advertisement -

Ṭial Tharmi

Sayama Amy: Hakha College siangngakchia cu an i toidor tuk + VIDEO

US ram Indianapolis khuapi um High School pawl ah sayama a ṭuan liomi Amy Peddie cu Chin khualipi um Hakha College ah thla 1 chung Mirangca a chimh hnu ah a hmuhtonmi kong an hal.

Hakha College ah Mirangca chimh kaa thawh ning cu, “ni kum ah BACI rianṭuan Elaisa Vahnie nih Hakha College ah Mirangca chimh na zuam maw aa ka ti i caan tlawmpal kaa ruah hmasa hnu ah ‘ka zuam ko’ ka ti,” tiah Sayama Amy nih a chim.

“Kawlram kal cu ka ngaihlah lo, ka vapa rian a ṭuan vemi si caah caan saupi chung ka fapa zei dah a rak tuah lai, ho sin dah ka chiah lai ti pawl ka ruat ta i si,” ati.

A kal hnawhchan

Hakha College ah zarh 4 chung ka chim. Ka kal hnawhchan bik cu American sianginn kaining, America college kainak lam va chimh pah, American tuanbia tlawmpal chimh le Mirang taktak he Mirang holh cinh ṭi si ko.

Aa harh bikmi

Ka ruah ning tlukin an nunphung kai ziak lomi um lo. US sianginn ah Chin an konglam cu kum 20 chung ka theih lengmang cangmi zong si i kai ziak lo tukmi um leem lo.

Kai harh bikmi cu umkalnak ahhin si, hmun dang kal a har tuk. Zaan khuadei suimilaam 24 chung bus cit kha aa ka runh tuk. Cun Chin state ah 2nk kai har bikmi cu tlanghram ah hnawm hlonh asi.

Ngandamnak caah thianghlim deuh tein hnawm hlonhnak um lo. US ahcun pawngkam kilven kan duh ngai i tlanghram i hnawm hlonh cu ka siarem lo tuk. Mah 2 cu ka harh bikmi si ko.

Hakha College le US Chin siangngakchia an i dannak

US um Chin siangngakchia cu US ah caan saupi an um cang caah an ralṭha tuk. Hakha College ka phakka ni 2 hrawng cu zei dah a kan chimh hnga tiah an thinphang tuk. A har tuk sual lai ti an phang.

Zei tluk an i harh zongah ka bawmh ṭhiam hna ding kha an rak hngal lo. Ngakchia tampi cu an thinphan caah ka class an lut ti rua lo ka ti.

US ngakchia cu an ralṭha deuh ngai. Saya/ma nih ca an chimh ning an hngalh i zeitluk har a kan hal zongah a kan bawmh ṭhan ṭhiam lai ti an hngalh.

Hakha College ngakchia pawl cu an i toidor tuk. Ca ka chimh hna tikah ‘thank you’ an ti peng. “Mingglaba sayama” an ka ti peng fawn. College kai an si ko cang nain ni fatin cutin an ka don peng. Mah kha a ṭha ngai. Ni fatin an i toidor tukmi le an i ngaih tukmi nih aa ka lawmhter tuk. US ahcun kan nunphung si lo i kha bantuk hna umlo.

Aa nuamh bikmi

Hotpot rawldawr ah kan kal hna i khuapi in mei a mih lio si kaw hotpot kha electric si caah an chuang kho lo i dawr dang ah kan kal ṭhan hna.

Siangngakchia pawl he rawl cu kan eiṭi i anmah zong ṭhut ṭi le biaruah an sia a hung rem, i mah kha kaa nuam bik.

Atang video ah tling tein zoh ve.

- Advertisement -

Ṭial Tharmi

Malaysia um refugee pawl cu ‘CanSino’ raikhamsi chunh an si lai

Malaysia um refugee pawl zong raikhamsi chunh an si ve ko lai. CanSino raikhamsi chunh an si lai, tiah Malaysia cozah nih a thanh. Malaysia...

Chin refugee an i telnak Malaysia movie nih Shanghai ah ‘movie ṭhabik laksawng’ a ngah

'Barbarian Invasion' timi Malaysia um Chin refugee 2 an i telnak movie nih China ram Shanghai ah movie ṭhabik laksawng Jury Grand Prix a...

Russia ah Min Aung Hlaing a phan

Myanmar uknak firtu ralkap bawizik Min Aung Hlaing cu humhimnak meeting kai dingin nizaan ah Russia khualipi Moscow a phan. February 1 ah uknak...
- Advertisement -

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -