23.2 C
Hakha
Saturday, February 29, 2020
More

    Sangte le a Fa Bawmhnak Tangka Ting 120 Leng An Kuat Cang Hna

    Follow Us

    99,932FansLike
    441SubscribersSubscribe

    Ṭial Tharmi

    - Advertisement -

    Sangte le a fa khuasak hram thok ṭhannak caah tiin Gofundme ah Chinmi 282 nih nan hlutmi tangka $8,185 (Kawlram 12,081,912) cu January thla ah Kawlram an kuat cang, tiah kan theih.

    Sangte le a fa caah US ram Indianapolis khuapi um David Nun Tho nih 2019 July 31 ah Gofundme ah bawmhnak a halpiak i Chinmi 282 nih nan ti khawh tawk cio nan hlut tikah $8,559 (chuah man zuh hlan) a chuak.

    “Phaisa cu vaivuan lo dingin rinh awktlak a simi Ma Ting le Father sinah ka kuat,” tiah David Nun Tho nih a chim.

    Ma Ting cu Kalay ah a ummi si i Sangte le a fa a rak bawmtu asi.

    Ma Ting nih, “tangka kong cu Kalaymyo um Chin zatlang bu hruaitu pawl he kan i ceih lai i tu Zarhteni lole hmai zarh ah Sangte te khua ah kan kal lai anmah duhnak kan hal hna hnu ah zei dah tuah a ṭha lai ti kan i ceihte hna lai,” tiah a chim.

    “Sangte cu Kalaymyo ah ra kan ti nain motor ka ri tuk, cun khatlei in ka fa he kan si fawn i kan sinpi lai lo ati caah kanmah tu an khua ah va kal dingin timhtuahnak kan ngei,” ati.

    Sangte cu Chin state, Falam peng Farso khuami asi.

    Sangte cu a vapa nih zeihmanh chimh loin a rak tlik tak caah a fate he an kawl i cutin Yangon khua chungah zaan ihnak le rawl ei awk ngei loin harnak an rak tong.

    2019 July thla ah Yangon Sizung hmai ah, mihar bawmtu Shwe Kyar group nih hlutmi rawl an va hal ve hna, mah lio cu Shwe Kyar group nih Facebook ah video an tar hnu ah Sangte le a fa kong cu mipi nih hngalh a hung si.

    Charhchan: Zalen

    Nawlnak: Kan website chung ca hi website dangah copy piak lo dingin kan in nawl hna.
    Tial Lian Thang
    Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.