17.1 C
Hakha
Monday, September 27, 2021
- Advertisement -

Ṭial Tharmi

Samuel Sang Hlun Thang nih COVID-19 in a kan liam tak

India ram, New Delhi ah a ummi Samuel Sang Hlun Thang cu Covid-19 zawtnak in a nunnak liam tiah kan theih.

Samuel Sang Hlun Thang cu Pu Mang Lian (Bungkhua) le Pi Rev. Ruth Biak Thai (Tlanglo) hna i an fale lakah a hniangbik si.

Samuel cu nupi le fa 2 ngeimi a si. An chungkhar ningin New Delhi ah ralzaam dirhmun in khua an sa.

Anih hi hlasak thiam a si. A aw tha, a aw sang. YouTube ah a hla tampi zoh khawh a si. Delhi um Laimi le Khrihfabu zong nih an hman ngaimi a si.

A nupi le fale 2 he

Samuel cu naite ahkhan Covid-19 zawtnak nih a phak ve i a cuap le lung fak tuk in a hrawh caah atu bantuk in a nunnak liam hi a si.

Atu hi a ruak zong Covid-19 zawtnak aa thlopnak Ayushman Sizung ah a um lio a si. Tlamtling tein an vui khawhnak hnga thlacamnak zong in bawm cio hna usih.

A kal takmi a nupi le fale, a nulepa, a chuahpi unau, cingla rualchan le Khrihfabu hna zong a tuar zia an thiamnak hnga thlacamnak in bawm cio hna usih. An ngaihchiatnak Pathian nih hnem ko hna seh.

- Advertisement -

- Advertisement -

Rel Bikmi

Subscribe to The Chin Express Youtube

The Chin Express nih interview kan tuahmi hna le video thar kan tarmi pawl zoh lengmang na duh ahcun kan Youtube channel ah Subscribe tuah ve.

- Advertisement -