Samsung sehzung ah gas a zuh caah minung 1 thi, 2 hliamtuar

Samsung sehzung ah gas a zuh caah minung 1 thi, 2 hliamtuar

South Korea – “Samsung Electronics chip sehzung ah carbon dioxide gas a zuh caah rianttuan 1 a thi i adang 2 hliam an tong,” tiah South Korea company Samsung nih thawng a thanh.

Suwon khua ah a ummi sehzung inn tangah rianttuan 3 cu lungfim loin an hmuh hna.

“Suimilaam tlawmpal a rauh hnu ah, kum 24 pa cu sizung ah a thi. Kum 26 le 54 cu atutiang lungfim loin an um peng ko.”

“An dihlak in Samsung company ah rianttuanmi an si. Sehzung gas an check lio ah vanchiat an ton hi si.”

“Carbon dioxide gas ruangah thli an dawp kho lo i si lai tiah kan zumh,” tiah Samsung nih a chim.

Samsung – vawlei cungah smartphone le memory chip sertu minthang bik cu Suwon khua ah semiconductor chuahnak sehzung tampi a ngei.

South Korea ram i sehzung company ngan pipi hna cu, rianttuan tu himnak usa an pek tuk lo ruangah a thimi an um pah tawn.

January zongah, Posco company – South Korea ram i thir sertu company minthang bik nih a ngeihmi thlir sehzung ah gas a zut rianttuan 4 an rak thi – Pohang khua ah a si.

Ni kum August thla zongah, Changwon khua hriang rilikam i STX Offshore & Shipbuilding sehzung ah rian a ttuanmi 4 hna cu tilawng tinbawisi an thuh lio ah zinaan pung a puak i an rak thi. –AFP

Leave a Reply

Your email address will not be published. Required fields are marked *