15.3 C
Hakha
Thursday, September 23, 2021
- Advertisement -

Ṭial Tharmi

Samaria mitha hna nih Chinmi COVID-19 mizaw zohkhenhnak an kan bawmh lai

Chin miphun nih a thuk bikmi muihnak kan ton lio le Pathian rian tuan tu hna,kan hawi dawt hna nih pakhat hnu pakhat an kan liam tak nak thawng cu Christina nih a theih tiah a ngeihchia tuk ve. Samaria mi tha ban tuk in Chin miphun caah thlacam nak lawng si lo in bomhnak tampi a kan tuah piak cang.

Singapore ram um mi New Creation Church le Rev. Thawng Tha Thang he voi hnih tiang bia ruahnak kan ngei. Chin miphun Covid-19 zawtnak, i zohkhenh nak kong ah New Creation Church nih bawmh ding in hnatlaknak kan tuah cang.

New Creation Church Pastor pa nih “tutan ah Full Gospel Assembly Church ah Oxygen concentrators pathum le food pack 100 ca nan bawnh hna lai, a tang mi cu nangmah nih atha lai nan tinak Yangon, Kalaymyo, Chin ram le Kachin ram ah nan bawmh hna lai tiah” a kan ti.

Singapore MAF hawikawm pawl zong nih oxygen concentrators, si le a dang dang covid centre ah hman ding mi pawl tam taktak an kan bomh cang. Singapore sibawi te le Dr Maureen he Covid-19 Response Centre ah dawt nak in miphun caah rian atuan mi sibawi te he zong bia ruahnak an ngeih cang.

Singapore ram in a herh nak poh ah akan bawmchan tu Pu Ro Thawng cung ah siseh, hmun kip kaa kip in min langh ter lo in aa tel mi vialte nan cung zong ah lunglawmhnak chimcawklo kan ngei.

Christina nih “bomhnak kan hmuh mi dihlak cu Covid

Zawt nak i zohkhenh nak ca lawng ah nan hman lai, tlamtling te le felfai te in nan hman khawh ah cun bomhnak dang zong kan hmuh rih lai “a kan ti.

Miphun hawi le hna  Bawipa nih a kan um pi lai, dinhmun ti pawng ah a kan hruai lai i thazaang thar an kan pek lai.

Tawlreltu: Pu Renny Ceu L Mang (Australia)

- Advertisement -

- Advertisement -

Rel Bikmi

Subscribe to The Chin Express Youtube

The Chin Express nih interview kan tuahmi hna le video thar kan tarmi pawl zoh lengmang na duh ahcun kan Youtube channel ah Subscribe tuah ve.

- Advertisement -