16.3 C
Hakha
Sunday, August 1, 2021
- Advertisement -

Ṭial Tharmi

Salai Van Bawi Lian nih a chimmi ‘Ramri chawlehnak’ kong hi rak rel ve hrimhrim

Salai Van Bawi Lian (Martin): Tangka kawl (economy) hi ram sernak le ram thanchonak i a maru pakhat a si ve.

Tangka hmuhnak (economic source) a um lo cun ram thanchonak tuah a har. Tangka hmuhnak lam hi tampi in ser khawh asi.

Zeitin dah kan kawl lai timi kha cozah nih fiang tein policy in langhter asi tawn.

Nain, nihin tiang Chin State a cozah nih economic policy fiang tein an langhter mi kan hmu kho rih lo. Chin State a cozah nih tangka kawl khawhnak lam tampi a ngei. Lam tampi lakah Ramri chawleh chawzuar (Border trade) hi pakhat asi ve tiin ka hmuh.

Chin ramkulh a lubik in a tawne tiang ramdang (India & Bangladesh) he ramri kan i tlai.

Ralkap cozah chan ah tihphangbu le tlaihkhih ton bu in India lei chawleh, chawzuarnak nih mi tampi kan paw a kan cawm (Abik in sumdawng in kan ti lai cu).

Nain nihin tiang cozah hnatlak tein chawleh chawzuar khawhnak lam Chin State ah pakhat (Champai/Zokhawthar India – Rih Myanmar) lawng an hun rih. A dang pakhat cu Moreh-Tamu lam asi.

Cu hman ah India-Myanmar ramri chawleh, chawzuar a ngahmi thil a phun (tradable items) 62 lawng asi rih.

Kum 2012 tiang kha zuar khawhmi a phun 22 lawng asi. Cu lakah, Chin State in thil a chuakmi satil (vok, caw, ar) tbk pawl cozah nawlpek hmasa lo in India lei zuar a ngah rih lo.

2017-2018 kum ah Kawlram nih ramri chawleh, chawzuarnak (Border trade) in tangka a hmuhmi US$ 8.4 billion asi.

Cu lakah 87% hi China ramri le 19% Thailand ramri ti an si hna. 1% lawng hi India ramri chawleh, chawzuar nak in hmuh mi asi. Hi tluk lawm mam in China & Thailand ramri he a tlaumi hi Naypitaw acozah ruang maw, asi lo ah Chin State cozah santlaih lo dah?

Chin State chungah India-Mizoram he chawleh, chawzuarnak lam a tlawmbik pathum tal kan ser kho hnga lo maw? Hi vialte tangka hmuhnak lam hi a lak in zoh sawh hi a pam tuk lo maw? Naypitaw cozah nih tuah u a ti hlan lo zei hmanh holh lo in um hi miphun zawn kan ruat asi hnga maw?

Chin State cozah nih Chin miphun kan paw cawmnak le thanchonak caah khuakhan lairel in a fiangmi tangka hmuhnak lam (economic policy) pakhat tal a chuahpi ding a si lo maw?

Chin State cozah pakhat si mi nih hi tluk sifak, harsami Chin miphun le Chin ram caah lu le chantling hmanh tonghter loin rian kan tuan ding asi lo maw?

Border trade hi tangka hmuhnak lam tampi lakah pakhat lawng asi rih mu. A dang tampi peh chap ding a um rih. Zapi he ruahti dingah kan sawm hna.

- Advertisement -

Ṭial Tharmi

Myanmar uknak firtu Min Aung Hlaing nih ‘thimnak kan tuah lai’ ati than

Myanmar mipi thimmi cozah uknak a chuttu ralkap bawizik Min Aung Hlaing nih thla 6 hnu tuni ah, "party dihlak telh in thimnak kan...

Australia Chinmi chungin palik officer kan ngeih hmasa bikmi Sang Bawi hmurka

Sang Bawi (hmanthlak) hi Australia ram ah Chinmi chungin palik officer a kan ṭuanpiak kho hmasa bikmi asi. Queensland state khualipi Brisbane ah Police...

Malaysia: Pu John Kham le CRC nih COVID-19 mizaw Chinmi rawl an chanh hna lai

Malaysia um Chinmi zohkhenhnak bu Chin Refugee Committee (CRC) le Pu John Kham nih CRC zung pawng sang 6: PuduImbiLoke YewMaluriJalan Sungai Besi leBukit Bintang...
- Advertisement -

CNF le CDF nih Kawl Ralkap 26 leng an thah hna

Chin National Front/Army (CNF/A) le a ṭengnge Chinland Defense Force (CDF) nih July 19 in 31 kar ah Kawl Ralkap 26 leng an thah...

Malaysia: KL le Selangor um Chinmi vialte appointment hau loin raikhamsi chunh khawh asi

Kuala Lumpur le Selangor um ramdangmi vialte, UNHCR card ngei he ngei lo he appointment sok hau loin August 9 in 22 tiang raikhamsi...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -