16.7 C
Hakha
Thursday, June 17, 2021
- Advertisement -

Ṭial Tharmi

Salai Vahnie nih Indiana (US) Hluttaw ah Bia a Chimmi

Indianapolis, USA: Salai Elaisa Vahnie cu nizaan October 14 kha Indiana State Hluttaw (Indiana General Assembly) ah Chinmi le Kawlrammi kong bia a va chim.

Burmese American Community Institute (BACI) Executive Director cu, Indiana State Hluttaw nih a sawm caah minute 20 chung bia a va chim hi si.

US nih vawlei cung ramkip ah hartong ralzaam pawl na lak hna i Myanmar rammi Chin ralzaam zong na kan lak ve, i US ram ah nun thar na kan pek caah kan i lawm tuk, tiah lunglawmhnak in bia hram a dawmh.

Indiana state MP dihlak (cozah) sinah biapi bikin a chimmi cu COVID-19 kongah cozah nih Chin le Kawlrammi, tbk. miphun dang pawl a kan daihthlanh tuk ning le a kan pehtlaih deuh a herhnak kong, “Thleidannak Um Loin aa Ruang Tein Khuasak Ṭi Khawhnak Policy Kan Herh” ti hi asi.

Indiana state khualipi Indianapolis ahhin Kawlrammi 23,000 hrawng kan um cang i 20,000 hrawng cu Chinmi lawngte kan si.

Salai Vahnie nih a chimmi cheukhat hna cu;

  1. COVID-19 i test nak, zawtnak ngei he aa naihniammi kawlnak, i venning cawnpiaknak, tbk. kongah cozah nih zeihmanh na kan hrihawh lo
  2. Cun, COVID-19 kong theihherh tete Mirangca lawngin nan chuah i holh dangin nan chuah lo
  3. COVID-19 ruangah Kawlrammi le Asia pawl huatnak le velhnak fak tuk a chuak, cucaah;

(a) Indiana State Cozah le ṭuanvo ngeitu zung hna nih COVID-19 kong hi miphun vialte holh in thawngthanhnak na tuah herh. COVID-19 i test nak, i ven ning, zawt sual cun i zohkhenh ning, tbk. vialte holh phunkip in thawngthanhnak na tuah a herh.

(b) Miphun kip hi COVID-19 ral in kan luat khawhnak hnga State Cozah le miphun kip hruaitu bu kip hi naihniam tein rian kan ṭuan ṭi a herh.

4. State Cozah nih ngandamnak le mipi zohkhenhnak caah budget tam deuh pek a herh

5. A donghnak ah biapi bikin chim ka duhmi cu, State Cozah le Khua Cozah nih a lamkip in nan kan hruai ning zoh tikah kan i lawm i kan in uang tuk hna. Cu ve bantukin, miphun vialte hi limhang ngei, upat le aa tluk tein zohkhenhnak policy kan herh tuk ti hi vun nolh ṭhan ka duh, ati.

- Advertisement -

Ṭial Tharmi

Myanmar ralkap nih ‘innpa ram pawl nih kan cohlang hna seh’ tiin kan ram chuak a zuarh hna

February 1 ah Myanmar ralkap nih mipi thimmi cozah uknak a chuh thokin rampumpi ah mipi nih duhlonak an langhter i cozah rianṭuan pawl...

Malaysia PM: Ni fatin mizaw 4,000 tang an si tikah lockdown kan dorh lai

Ni fatin COVID-19 mizaw 4,000 tang an si tikah full lockdown kan dorh lai, tiah Malaysia ram hruaitu Rampumpi Vuancichoh Pu Muhyiddin Yassin (hmanthlak)...

Nupi 39 ngeimi Pu Ziona a nunnak liam

Nupi 39 le fa le tufa 127 a ngeimi Pu Ziona Chana, kum 76 cu Mizoram ah a nunnak liam, tiah Mizoram cozah nih...
- Advertisement -

Kawl Ralkap nih pumtlamtlinglo Chinmi 2 meithal in an kah hna i an hrem hna

Uknak firtu Kawl Ralkap nih June 10 ah Chin state, Mindat peng Phaya Sakhan khuate an luhhnawh i pumtlamtlinglo mi nu le pa meithal...

CDF le Kawl Ralkap i kah ruangah a zaammi Chin ralzaam tampi Mizoram ramri ah an i tap

Nai hrawng cu Chin state ah Chinland Defense Force (CDF) le uknak firtu Kawl Ralkap i kahdohnak a fah caah Chinmi a zaza nih...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -