23.7 C
Hakha
Thursday, June 24, 2021
- Advertisement -

Ṭial Tharmi

Salai Lungthli Tum MP aa Cuh Lai

Salai Lungthli Tum nih, Thantlang peng Pine Hluttaw No.2 MP kaa cuh lai. Zei party hmanh ah ka lut lai lo, pumpak (independent) in kaa cuh lai, tiah thawng a thanh.

Thantlang peng Pine Hluttaw No.2 MP cu NLD party in Pi Ni Sui Lian, USDP in Dr. Hmuh Thang le CNLD in Saya Rung Kaw an i cuh ve lai. Salai Aye Tun Min le Pu Lal Maung Cung hruaimi CNP in ho dah aa cuh lai ti hngalh asi rih lo.

Salai Lungthli Tum nih, “anmah tei ding cu ka caah a har ngai, nain kei cu miphun caah a dikmi zumhnak ka ngeih caah ka tei ko hna lai. MP ka ngah cun ka lahkhah fang khat hmanh kaa lak lai lo, keimah nakin a herh deuhmi sifak bawmhnak caah ka hlut dih lai,” ati.

NLD in Thantlang peng Pine Hluttaw No.2 MP aa cuh ding Pi Ni Sui Lian

Salai Lungthli Tum: Fimcawnnak le rum kawlnak hnu in ram le miphun ca pumpeknak lamthluan lei ah

Caan sau ngai khua ka ruah hnu ah tukum thimnak ah Thantlang peng Pyine No.2 in luh ve ding biachahnak ka tuah, ka nu le ka pa zong nih thluachuah an ka ham piak cang.

Fimcawnnak ah India college tha bik a si vemi Loyola College in bachelor ‘first class’ ka dih, ka chunmang a simi England zong ah MBA ka dih fawn.

Pumpak rumnak chawva zong ka kawl than i ka tinhmi dirhmun cu ka phan cang. Atu hi ram le miphun caah ka sining dihlak ka pek caan a si cang tiah ka ruah.Ram le miphun caah saduhthah tampi ka ngei ve, nain ka saduhthah tlinter ding ah midang rinh awk an tha lo timi fiang tein ka theih.

Hi ruang ah keimah pumpak hrimhrim luh ka tim hi a si.Independent in ka luh lai caah MP ka tlin ahcun vuanci le CM tibantuk cu tutan ah ka ngah lai lo a fiang. Nain, MP pakhat dirhmun in ka si khawh tawk Chin miphun dihlak caah riantuan kaa zuam lai.

Khuate ka kal tik zong ah ka tuah khawh ding lawnglawng bia ka kamh hna lai.Kaa tinhmi hi tuhnu kum 5 ca lawng ah a si lo, MP sawhsawh va tuan lengmang ding zong a si lo. Chinram caah ka saduhthah ka tlinter khawhnak ding caah cun Chief Minister tal ka si te hrimhrim a hau. Kum 15 maw kum 30 tiang a rau kho.

Suu Kyi cu ka uar tuk, ka thih hnu tiang zong ah ka upat ko lai. Nain, ‘central power’ a tam tuknak party NLD ah cun zeitik hmanh ah luh kaa tim lo. Doh zong ka tim fawn hna lo, an tlamtlin lonak belte cu ka phuan pah te ko lai. Bawmh khawh tawk zong bawmh ka timh fawn hna.

Cun, CNLD bantuk in thutnak ngah duh ah miphun min zuar kaa tim bak lo. Ka party min ah Chin ka telh(te lai) ruang ah vote pek ding ka si lai lo, ka tuahsernak tuanbia le miphun ka dawt le dawt lo ruang deuh ah vote pek or pek lo ding a si lai.Pumpak hlawknak caah si loin miphun caah riantuan a duhmi poahpoah he rian ka tuanti lai, hawikom ka ser hna lai.

CNLD in Thantlang peng Pine Hluttaw No.2 MP aa cuh ding Saya Rung Kaw

Nain,pumpak hlawknak a duhmi belte cu hrial an si lai. Keimah meehmun ah aa cuh ding hi Dr. Hmuh Thang, Saya Rung Kaw le MP Ni Sui Lian an si. Miphun a dawmi lawngte an si ve. Keimah caah harnak tampi a um lai, nain a dikmi zumhnak a um ko ahcun teinak a um hrimhrim lai tiah ka zumh.

A donghnak ah, MP ka tlin ahcun ka ngahmi hlawh fangkhat hmanh kaa lak lai lo. Keimah nak a herh deuhmi sifak harsa bawmhnak caah a dihlak in ka hlut lai.Pathian nih lam ka hruai hram ko seh.

- Advertisement -

Ṭial Tharmi

Falam ah COVID-19 in minung 1 a thi chap

Zahan zaan suimilam 8 hrawngah Matubuk sang um Salai Lal Tha Eng, kum 25 cu COVID-19 zawtnak in an inn ah a nunnak liam....

COVID-19 ruangah kharmi Paletwa sianginn an on ṭhan cang hna

Chin state, Paletwa peng sianginn pawl cu COVID-19 zawtnak an hmuh caah an khar hna nain tuni June 23 ah an on ṭhan cang...

Malaysia rammi nih ‘refugee hi hmun dangah umter hna uh’ tiin cozah an hal

Malaysia Ramchung Vuanci Pu Hamzah Zainudin nih, "UNHCR card aa tlaihmi pawl hi hmun dangte ah anmah lawngin umter hna uh tiin kan rammi...
- Advertisement -

CRC Malaysia: Covid Raikham Sii Chunhnak Minpeknak Theihternak

Malaysia um Chin miphun hawikom dawt hna Covid raikham sii chunhnak kong he pehtlai in theither kan in duhmi hna cu nan mah le...

UN Thawngthanh: Malaysia Refugee pawl COVID-19 raikhamsi chunh dingin min pek khawh asi cang

Malaysia um ralzaam le ralzaam-soktu pawl cu COVID-19 raikhamsi i chun dingin min cazin pek khawh asi cang. Raikhamsi chunh a duhmi paoh cu Malaysia...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -