Salai Lungthli Tum: Kawl Ralkap pawl hi CNF nih kah loin hrial hna sehlaw ka duh

- Advertisement -

Uico ralkap hna thaizing kan ralkap hna an hmunhma an luh tikah i kahnak um hraw loin kan miphun ralkap nih hrial ko hna sehlaw ka va duh dah. Victoria camp zong nunnak liam hraw lo tein kan ralkap nih hrial chung ko hna sehlaw ti hi tulio ka thlacam a si.

I kap taktak ahcun uico ralhrang lei tampi an thi ko lai nain kanmah kan thisa unau tampi nunnak a liam ve lai. Kan tahnak mitthli kan hnawt cawk lai maw? Kan miphun lungfahnak le ngaihchiatnak kan tuar kho te hnga maw?

Hriamnam lei kan i ready hlan atu lio kan dirhmun in ral nganpi tuk kan i awt ahcun kan i tinhmi ‘ralkap cozah thlak’ or ‘Chinram in uico ralkap vialte thawl dih in mah tein i uk’ timi a si kho rih lai lo. Kan hriamnam pei ai thlau tuk rih cu. A theipar a chuak rih lo dingmi ral tuknak ah ka hawile le ka unau tampi nunnak a liam ding khi ka siang bak lo.

Victoria camp an lak zong ah CNF tinhmi an lak kho lai lo, kan nunnak le kan miphun dawtnak lungthin an lak khawh lo a biapi. Camp cu zakhat hmanh kan ser than te ko lai. Camp Victoria zamtak chung khi Chinram zam tak a si hrimhrim lo mu.

Zeizong vialte a tlinter khotu kan Pathian tu nih kan ralkap hruaitu hna lungthin ah riantuan sehlaw kan miphun caah a tha bikmi biachahnak tuahter hram ko hna seh. 

Kanmah le siaherhnak cu kan langhter cio ko lai nain hruaitu hna nan biachahnak tanpi ding cu kan dihlak kan rian a si ko. Nan kah hna zong ah siseh, nan hrial hna zong ah zakhat ah zakhat kan in tanpi ko hna mu. 

—Ka miphun ka dawt i ka siaherh tuk ve caah i sum kho loin ka vun tialmi a si. Keimah pumpak caah thahnemnak pakhat te tal hmanh a um lo ding le tampi nih nan ka huat ding, nan ka doh lai ding zong ka hngalh cia ko mu.

Biakilh: Salai Lungthli Tum nih a chimmi hi The Chin Express nih kan pom/lo tinak asi lo. Chinmi 43,000 leng nih FB ah zulhmi ‘public figure’ asi. Chin ramkheltu tampi nakin amah biachimmi hi mi tam deuh nih an hmuh (minung tampi thinlung a thlen khawh, a hip khawh hna). Cucaah a chimmi kan tarnak asi. Kan pom/lo tinak asi lo.

Laitlang thawngpang linsa rel awk dang;

  1. Breaking News: CNF le Kawl Ralkap an i kap cang (hmet law relchap)
  2. Kawl Ralkap nih Falam peng khuami 2 an kah thah hna
  3. Thantlang peng CNF sakhan pawngah Kawl Ralkap vanlawng an zuang len cang
  4. President U Win Myint nih February 1 thil sining a phuan
  5. Falam in Hakha lei ah Kawl Ralkap motor 6 le tank 2 in an kal
  6. CNDF ralrinpeknak: Hohmanh Falam-Hakha lam ah khualtlawng hlah u
  7. Kawl Ralkap motor 90 in Mindat khua an phan
  8. Hi vialte Kawl Ralkap hi CNF le CDF kut in Chin ram lak dingin a rami an si. CNF sakhan Camp Victoria lak an timh, tiah a zaammi Kawl Ralkap nih an chim
Lian
Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...

Ukraine cu Poland nih ral tuknak vanlawng 28 bak FREE in a pek

Update: US nih a duh lo caah an leet. Poland nih dairek in Ukraine kuat a ngamh lo...

US: Ukraine nih a tei lai

US Ramdang Vuanci Pu Blinken (hmanthlak) nih, "Ukraine nih teinak a hmuh lai," tiah a chim."Russia nih Ukraine...