CDF-Thantlang ralkap Salai Lian Tha Thang nih Chin miphun le Myanmar ram luatnak caah a nunnak a pek.

Chin miphun thah dingin a rami uknak firtu Kawl Ralkap pawl cu nizaan September 4 ahkhan CDF-Thantlang nih an kham hna.

Cutin an i kap i CDF-Thantlang lei in Salai Lian Tha Thang a nunnak liam hi asi.

A thihnak kong cu CDF-Thantlang nih, “Thantlang peng ralram hmun 1 ah ram le miphun caah a nunnak pek,” tiah tuni ah thawngthanh.

“Salai Lian Tha Thang nih a liamtakmi chungkhar nan ngaihchiatnak kan in hrawmpi hna.

“Salai Lian Tha Thang nih aa tinhmi; ralkap uknak hrawh in federal democracy ram dirh ding cu a hawile CDF-Thantlang nih pehzulh in kan ṭuan lai.

“Salai Lian Tha Thang nih dothlennak caah aa zuamnak le aa pekchanhnak cungah upatnak kan pek,” ati.

Kawl Ralkap lei hliam a tongmi le thimi kong fiang in kan thei kho rih lo. Kan theih cangka in kan update colh lai.