15.6 C
Hakha
Sunday, June 20, 2021
- Advertisement -

Ṭial Tharmi

Salai Elaisa Vahnie: Covid-19 Harnak Kan Ton Lio Zongah Kan Miphun le Ram Philh Hlah Usih

Chinram (Laitlang) khuasami kan Chinmi tampi hi ṭuan chom ei chom in a nungmi an tamtuk. Ramṭha a phan Chinmi nih kan ramchung Chinmi hi kan philh hna awk si lo. Hi bantuk Covid-19 zawtnak harnak ton lio zongah kan zuan hnawh hna a herh, tiah Salai Elaisa Vahnie, BACI Executive Director nih community briefing ah a chim.

Burmese American Community Institute (BACI) nih nizaan Zarhteni ahkhan vawlei cung ramkip um Kawlrammi caah Community Covid-19 Briefing a tuah i Chinmi kan himnak hnga Pu Vahnie nih atanglei bangin a chim.

1. Cozah Nawl Ngai Usih (Obedience and Compliance): Chinmi nih khoika khua, khoika ram kan um zong ah cozah nawl le kan rianṭuannak zulhphung ṭha tein zul usih.

2. Ralring Tein Nung Usih (Be Alert & Careful):  Kan chungkhar karlak asi zongah, kan hawikom le community ah thil poipang kan ton sual zongah, ralring tein um khawh i zuam usih. Nawl ngaih a ṭha i ralrin a ṭha chinchin.

3. Pakhat le Khat i Bawmchan, i Zuanhnawh Cio Usih (Be Supportive and Helpful): Kan chungkhar, hawikom, rianṭuan ṭi, ahlei in kum khua upa le tar hna caah bawmchantu si khawh cio i zuam usih. Pumpak in ton le bawmhchanh asi ti lo zongah phone, video, tbk., in thazaang i pe in i bawm cio usih. Hi bantuk harnak kan ton caan ah a kan zohkhenhtu community upate nih bawmh a herhmi le tuah ding vialte an tuah kho colh lai lo. Cucaah pumpak cio in kan pawngkam kha i bawm cio usih.

4. Khat le Khat Karh ah Ṭhat i Zuam Usih (Let Us Be Kind To Each Other): Atu lio hi pakhat le pakhat i hro le mawhchiat caan a si lo. Kan chungkhar chung zong ah, online le social media zong ah bia ṭha lo, bia fak chim hrial khawh i zuam usih. Pakhat le pakhat karlak ah thil ṭha, bia ṭha, hmurka thlum le, minung kan sinak ah a ṭhabikmi thil le bia langter khawh i zuam usih. COVID-19 lawnglawng kan ral taktak a si, timi lungput in lungrualnak kan ngeih caan a si. 

5. Bawmh Dingin Kan i Manh Peng Ko (We Are Here to Help You): Zei kong paoh ah bawmhnak na herh cun BACI ah kan chawn te uh. Indianapolis ummi kan Chin miphun caah abikin ready kan si peng. Adang khua le ram lei kan miphun zong nih a kan bawmh khawh ko lai ti nan ruahmi um cun kan chawn uh. Kan ti khawh tawk in kan i zuam lai. Kanmah nih kan in bawmh khawh lo zongah an bawm khotu ding mi bawmtu bu sinah bawmhnak kan in halpiak hna lai.

6. Ruahchannak a Um (There is Hope): A fak bikmi harnak kan ton khawh ko, cucaah i ready usih. Sinain, kanmah minnung nih kan tuah khawhmi kan tuah peng ko ahcun Pathian nih a kan hruai lai i hi fal hi kan tei ko lai (Let us prepare for the worst, do all we can project ourselves and to stay safe. But let us not lose our HOPE that if we stand together and do what we can be doing as humans, GOD will lead us, and TOGETHER, we will overcome this difficult time. God bless you all).

Ral ruangah Paletwa le Matupi pengah harnak a tongmi hna zong kan philh hrimhrim hna lai lo. US cozah lei in policy lawng si loin kan community chungin bawmhnak tam khawh chungin chuah ding zong zuam cio hna usih, tiah Salai Elaisa Vahni nih a chim.

NOTE: US Cozah nih Coronavirus bawmhnak a tuahmi the CARES Act ah aa telmi pakhat cu, mipi ṭhatnak ding caah nonprofit sinah bawmhnak (charitable giving)  tu kum 2020 cungah $300 lole tam deuh a pekmi nih cun 2021 Tax Return tuan tikah $300 hi Standard Deductible ah telhpiak a si te lai, tiah theih asi.

- Advertisement -

Ṭial Tharmi

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Myanmar ralkap nih ‘innpa ram pawl nih kan cohlang hna seh’ tiin kan ram chuak a zuarh hna

February 1 ah Myanmar ralkap nih mipi thimmi cozah uknak a chuh thokin rampumpi ah mipi nih duhlonak an langhter i cozah rianṭuan pawl...
- Advertisement -

Malaysia PM: Ni fatin mizaw 4,000 tang an si tikah lockdown kan dorh lai

Ni fatin COVID-19 mizaw 4,000 tang an si tikah full lockdown kan dorh lai, tiah Malaysia ram hruaitu Rampumpi Vuancichoh Pu Muhyiddin Yassin (hmanthlak)...

Nupi 39 ngeimi Pu Ziona a nunnak liam

Nupi 39 le fa le tufa 127 a ngeimi Pu Ziona Chana, kum 76 cu Mizoram ah a nunnak liam, tiah Mizoram cozah nih...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -