16.3 C
Hakha
Sunday, August 1, 2021
- Advertisement -

Ṭial Tharmi

Salai “Cakei” Lungthlitum: CNLD an Lor Tuk Cang i Kan Ram caah Ṭihnung an Si

“CNLD hi an lor tuk i kan ram caah ṭihnung an si, sungh cikcek in an sunghmi hi i cei ko hna seh, an lungfim deuh lai,” tiah Salai Lungthlitum nih a chim.

Salai Lungthlitum cu independent in November 8 thimnak ah Thantlang peng Pyine Hluttaw No. 2 MP aa cuh ve nain a sungmi si – Pi Ni Sui Lian (NLD) nih a ngah.

Salai “Cakei” Lungthlitum – Paih ṭhawng le nungak dawh paoh “cakei” a ti peng hna caah Facebook ah “cakei” biafang a larter tuk i mi tampi nih an i cawn cio, cucaah Salai “Cakei” Lungthlitum tiin credit kan pekmi si. Zei dang si lo.

Salai Lungthlitum: CNLD an lor tuk cang i ‘kan ram caah tihnung an si’ ka ti caah an sungh dih nak ding caah ka sining dihlak i pek in cawlcangh ding ah kan hnu May thla ah biachahnak ka tuah. July ah keimah pumpak zong thimnak ka lut chap fawn.

Thimnak ka luh hnu zong ah CNLD thuat le sunghter hi ka rian ngan bik ah ka chiah zungzal, aruang cu CNLD an tlin ahcun kan miphun hrawktu le buaitertu an si kho tiah ka ruah caah a si.

Keimah mee ngahnak ding caah ca ka tialmi nakin CNLD mee sunghnak ding caah ca ka tialmi tam deuh (teinak hmuh le ramrian tuan ka duh lo tinak si lo mu). CNLD caah an coronavirus ka hun cang.

NLD nih 92% bak Chinram ah teinak an hmuh khawh. CNLD cu an lor tuk ko nain sungh cikcek in an sung. I cei ko hna seh, an lungfim deuh cang lai.

NLD lila nih an duh theng lomi Pu Sui Thio zong a sung fawn. Tutan cu kei ka saduhthah a tling ngai ko, keimah zong ka sung ve ko nain.

MP kaa cuh ṭhan te lai

Salai nih MP i cuh ṭhan aa timhnak kong zong, “tutan hi a donghnak si lo, ai THAWKNAK lawng si,” tiah a chim.

Party minung cu thimnak an luh le cangka in khua kip ah party member an ngei cia caah mee 2,000 leng an ngei cia cang. Nain, kanmah independent cu zero in kan thawk.

Thlathum chung ka sining dihlak i pek in kai zuam ve, mee 2,000 leng ka ngah. Khua kip ah team ka ngei cang fawn. Minung 2,000 leng nih fek tein nan ka dirkamh ka hmuh tikah kai lawm tuk.

Tutan hi a DONGHNAK a si lo, ai THAWKNAK lawng a si.

- Advertisement -

Ṭial Tharmi

Myanmar uknak firtu Min Aung Hlaing nih ‘thimnak kan tuah lai’ ati than

Myanmar mipi thimmi cozah uknak a chuttu ralkap bawizik Min Aung Hlaing nih thla 6 hnu tuni ah, "party dihlak telh in thimnak kan...

Australia Chinmi chungin palik officer kan ngeih hmasa bikmi Sang Bawi hmurka

Sang Bawi (hmanthlak) hi Australia ram ah Chinmi chungin palik officer a kan ṭuanpiak kho hmasa bikmi asi. Queensland state khualipi Brisbane ah Police...

Malaysia: Pu John Kham le CRC nih COVID-19 mizaw Chinmi rawl an chanh hna lai

Malaysia um Chinmi zohkhenhnak bu Chin Refugee Committee (CRC) le Pu John Kham nih CRC zung pawng sang 6: PuduImbiLoke YewMaluriJalan Sungai Besi leBukit Bintang...
- Advertisement -

CNF le CDF nih Kawl Ralkap 26 leng an thah hna

Chin National Front/Army (CNF/A) le a ṭengnge Chinland Defense Force (CDF) nih July 19 in 31 kar ah Kawl Ralkap 26 leng an thah...

Malaysia: KL le Selangor um Chinmi vialte appointment hau loin raikhamsi chunh khawh asi

Kuala Lumpur le Selangor um ramdangmi vialte, UNHCR card ngei he ngei lo he appointment sok hau loin August 9 in 22 tiang raikhamsi...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -