15.3 C
Hakha
Thursday, September 23, 2021
- Advertisement -

Ṭial Tharmi

Salai Bawi Lian Mang: NUG ah Pu Henry Van Thio min um lo caah ka sia herh

Chin Nuhrin Covo Bu (CHRO) hruaitu Salai Bawi Lian Mang nih, “National Unity Government (NUG) ah Pu Henry Van Thio min um lo caah ka lung sia herh. An vun chap te dingmi ah a min aa tel ve te theo lai,” tiah a chim.

Welcome National Unity Government (NUG)

Kan hngah lengmang mi National Unity Government a vun dir caah lawmh awk asi.

Pu Henry Van Thio min ai tel lo mi bel ka lung sia aherh. An vun chap te ding mi portfolio ah a min a vun i tel te theo lai.

Salai Bawi Lian Mang – US Hluttaw Sang ah Chinmi kong bia a chim lio

Salai Lian Hmung Sakhong, Sasa le Mino mi fimthiam tampi an itel caah tha atho. 

Kawl ralkap nih mi a that cuahmah mi ralhrang Min Aung Hlaing hi an hlawt i NUG he ttangtti in mipi lei ah dirtti nak can ttha asi.

Pathian nih teinak lam ah rak kan hruai ko seh.

Salai Bawi Lian Mang

Min Aung Hlaing te ralhrang phu kut in an thi cang

Chinmi 21 Min Aung Hlaing te ralhrang phu kut in an thi cang. Chinmi 179 an tlaih hna. A cheu an thlah hna na in minung 67 tongin ah an hren rih hna. Muidawh, minthang, hlasak thiam, MP cheukhat le mi fimthiam mipi nih kan bochan mi 30 tlaihding in an min an tar. 

Salai Bawi Lian Mang, ramdang nih hruaitu tha laksawng an pek lio

Teddim ah CDM a tuahmi pakhat an tlaih khawh lo ruang ah a nu le apa cu ralsa tarh in Kawl ralhrang nih an tlaih hna. Hi an thil tuahmi hi Mafia na in a sual deuh mi thil tuah asi.

An thil tuahmi vialte kan zohdih, kan ngiat dih. A za cikcek cang tiah mipi nih kan ti caah mipi kan tho lai.

A au kho kan au lai, CDM atuah kho kan tuah lai, ramkip cozah a sawm kho nih kan sawm hna lai, a kap kho nih kan kah hna lai, I a do kho nih kan doh hna lai. Chuncaw a fun kho nih chuncaw kan fun lai, mah le ti khawh nak lam cio in kan tangtti lai.

- Advertisement -

- Advertisement -

Rel Bikmi

Subscribe to The Chin Express Youtube

The Chin Express nih interview kan tuahmi hna le video thar kan tarmi pawl zoh lengmang na duh ahcun kan Youtube channel ah Subscribe tuah ve.

- Advertisement -