15.6 C
Hakha
Saturday, June 19, 2021
- Advertisement -

Ṭial Tharmi

Russia Tuahsernak Kong cu CIA nih President Trump an Chim Lo

“Afghanistan ram um US ralkap pawl that hna uh tiin Russia nih ralhrang pawl tangka a phalh hna” timi cu CIA nih an hmurka in President Trump an chim bal lo, tiah Ram Himnak Kong Ruahnak Petu Pu Robert O’Brien nih a chim.

“CIA officer nih mah kong hi bia fiang asi lo ati caah President Trump a chim lo” ati.

Caṭial in ta thawng an thanh maw, ti baltu cu Pu O’Brien nih a chim lo.

The New York Times, Washington Post le Wall Street Journal tadinca nih, “US ralkap pawl that hna uh tiin Russia sungṭhoh nih Taliban ralhrang pawl tangka an phalh hna tiin CIA rianṭuan pawl nih a kan chimh” tiah an ṭial.

President Trump le Ram Himnak Kong Ruahnak Petu Pu Robert O’Brien

President Trump nih, “mah thawngpang cu US sungṭhoh tampi hmanh nih an zum lo,” tiah Fox Business ah a chim.

Russia cozah nih ‘lih lawngte si …’ ati. Taliban ralhrang zong nih “Russia cozah he zeihmanh lungtlinnak kan ngeihmi um lo” ati ve.

Pu O’Brien nih, “CIA lei in president thawngthanhtu nu nih mah kong hi a dik lomi si ati i President Trump a chim lo,” tiah a chim.

“US ralkap pawl thah dingin Russia nih Taliban ralhrang tangka a phalh taktak ahcun US nih fak tuk in kan lehrulh lai si,” tiah thawngla pawl sinah a chim.

2019 ah Afghanistan ram ah US ralkap 20 an thi. Nain, mah pawl hi Russia nih Taliban ralhrang tangka phalh in a thahtermi an si maw ti balte cu New York Times nih a langhter lo.

White House biachimtu Pi Kayleigh McEnany

White House biachimtu Pi Kayleigh McEnany nih, “CIA nih mah kong hrim hi President Trump an chim bal lo. CIA chung i mi hrokhrawl pawl nih mah kong hi New York Times ah an chimmi si,” tiah nizaan tihni ah thawngla pawl sinah a rak chim ve. — BBC

- Advertisement -

Ṭial Tharmi

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Myanmar ralkap nih ‘innpa ram pawl nih kan cohlang hna seh’ tiin kan ram chuak a zuarh hna

February 1 ah Myanmar ralkap nih mipi thimmi cozah uknak a chuh thokin rampumpi ah mipi nih duhlonak an langhter i cozah rianṭuan pawl...
- Advertisement -

Malaysia PM: Ni fatin mizaw 4,000 tang an si tikah lockdown kan dorh lai

Ni fatin COVID-19 mizaw 4,000 tang an si tikah full lockdown kan dorh lai, tiah Malaysia ram hruaitu Rampumpi Vuancichoh Pu Muhyiddin Yassin (hmanthlak)...

Nupi 39 ngeimi Pu Ziona a nunnak liam

Nupi 39 le fa le tufa 127 a ngeimi Pu Ziona Chana, kum 76 cu Mizoram ah a nunnak liam, tiah Mizoram cozah nih...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -