15.6 C
Hakha
Saturday, June 19, 2021
- Advertisement -

Ṭial Tharmi

Russia nih COVID-19 Kakuaisi a Ser Khawh Ve Cang

Russia cozah nih, “kakuaisi kan sermi Sputnik V cu minung sinah kan hneksak i COVID-19 zawtnak 95% a kham khawh,” tiah tuni ah a thanh.

Kakuaisi cu ramdang zong nih chunh 1 $10 in kan cawk khawh asi lai. Russia rammi paoh cu free si lai, ati.

Kakuaisi dang bantukin a kih taktaknak chiah zong a hau lo. 2 – 8 degree Celsius ah chiah khawh asi, ati – Kakuaisi dang pawl cu ti a khal khawhnak tluk kik ah chiah an hau.

Kakuaisi cu minung kan chunh hna in, ni 42 hnu ah result kan zoh i COVID-19 zawtnak 95% a kham khawh hi si, tiah Russia Ngandamnak Vuanci Zung le Russian Direct Investment Fund (RDIF) nih an thanh.

“Avoi 1nak ah minung thong 22 (22,000) kan chunh hna i ni 28 hnu ah result kan zoh tikah COVID-19 zawtnak 91.4% a kham khawh.

“Voi 1 chunh cangmi chungin minung 19,000 cu voi 2nk kan chunh chap hna i ni 42 hnu ahcun zawtnak 95% a kham khawh,” an ti.

Russia sermi COVID-19 kakuaisi Sputnik V cu minung 1 voi 2 chunh asi lai. US le ramdang sermi pawl zong voi 2 chunh dih an si lai. COVID-19 kakuaisi lawng si loin zawtnak dang kakuaisi tampi zong voi 2 chunh a haumi an tampi, punghman si ko.

Russia sermi kakuaisi cu ramdang zongah United Arab Emirates, Venezuela, Belarus, tbk. ah minung sinah an hneksak cuahmah.

Russia cozah nih cun August thla ahkhan COVID-19 kakuaisi kan ser khawh a ti i hmannak nawl zong a rak chuah cang. Nain, minung sinah hneksak liomi (aa lim taktak rih lomi) a rak si.

Kan hnu zarh ah Russia President Vladimir Putin nih, “kakuaisi kan sermi cu sehzung ah tam taktak in chuah dingin China le India cozah he lungtlinnak kan ngei cang. Brazil le South Africa zong kan chawnh hna lio asi,” ati.

Sii company tumtlang taktak a simi US hrambunh Pfizer le Germany hrambunh BioNTech i bawm in an sermi COVID-19 kakuaisi zong zawtnak 95% a kham khawh tiin an thanh ve cang.

US company Moderna zong nih kan hnu zarh ah “kan kakuaisi nih zawtnak 94.5% a kham khawh” tiin a thanh ve.

Charhchan: AFP, Fox News, CNN

- Advertisement -

Ṭial Tharmi

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Myanmar ralkap nih ‘innpa ram pawl nih kan cohlang hna seh’ tiin kan ram chuak a zuarh hna

February 1 ah Myanmar ralkap nih mipi thimmi cozah uknak a chuh thokin rampumpi ah mipi nih duhlonak an langhter i cozah rianṭuan pawl...
- Advertisement -

Malaysia PM: Ni fatin mizaw 4,000 tang an si tikah lockdown kan dorh lai

Ni fatin COVID-19 mizaw 4,000 tang an si tikah full lockdown kan dorh lai, tiah Malaysia ram hruaitu Rampumpi Vuancichoh Pu Muhyiddin Yassin (hmanthlak)...

Nupi 39 ngeimi Pu Ziona a nunnak liam

Nupi 39 le fa le tufa 127 a ngeimi Pu Ziona Chana, kum 76 cu Mizoram ah a nunnak liam, tiah Mizoram cozah nih...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -