Ruahpi fak tuk a sur ruangah Mindat-Matupi mawttaw lam leimin nih a phih

Furpi ruah fak tuk a sur ruangah zahan zaanlei ah Mindat-Matupi mawttaw lam meng tung 42 le 48 kar hmun 6 ah vawlei a cim i mawttaw kalnak a phih.

Pengkulh lam zohkhenhnak zung nih backhoe seh 4 in tu zingka ah a va remh.

Tu kum chungah Mindat-Matupi mawttaw lam voi 3 a cim cang.

“Khualtlawng mipi hna nih mah lam hi an i rinhmi asi. Atu bantukin ruahpi a fah lio caan ah khual a tlawngmi mipi hna ralring tein umkal hraam uh, asi khawh ahcun minung pakhat lawng in khualtlawng hlah uh,” tiah inntek pakhat nih a chim.

“Pengkulh lam zohkhenhnak zung zong nih, backhoe seh 4 in a remh. Khuati a hung tthat hnu lawngah khualtlawng te uh tiah forhfial kaan duh hna,” tiah a chimchap.

Matupi khua um kaakeih lutlai pakhat nih, “tuni cu mawttaw an hung lut kho cang. Mawttaw lam a ttha cang. Atu cu ruahpi a sur tuk lo i lam a rawk tuk leemlo,” tiah a chim. — MOI le Zalen

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.