16.4 C
Hakha
Thursday, July 29, 2021
- Advertisement -

Ṭial Tharmi

RSC Thawngthanh: Tu Kum Chung OPE le DHS (Lahwahkah) Interview Um Lai Lo

  • 2020 chungah RSC/OPE le DHS interview a um lai lo
  • 2020 chungah UNHCR nih RSC sinah mithar case a kua kho lai lo
  • Atu lio nan dirhmun ah caan saupi nan i tap lai

US President Donald Trump nih 2020 September thla dongh tiangah ralzaam 18,000 lawng lak dingin minsen a thut cang. 18,000 chungah Asia (Malaysia, India, Thailand, tbk., fonh) in 2,000 lawng lak an si lai.

Asia ram chung UNHCR le US Tanzung pawl ah DHS (Lahwahkah) interview a phi cangmi 2,000 leng an si cang caah anmah pawl hmanh hi 2020 chungah US an kal kho dih lai lo. Anmah pawl hi tolrel hmasa an hau.

Cucaah, RSC/OPE interview a hngakmi vialte tu kum chung cu nan phi lai lo. Hmai kum tiang nan hngah a hau. Tu kum chung cu vawlei cung RSC/OPE zung vialte an khar chung cang hna.

DHS (Lahwahkah) interview a hngakmi pawl zong tu kum chung cu nan phi lai lo. Hmai kum tiang nan hngah a hau ve. DHS officers pawl cu tu kum chung hi Asia (Malaysia, India, Thailand, tbk.,) ah DHS interview tuah dingin kal an i tim lo.

Cun, tu kum chung cu UNHCR nih RSC sinah mithar case a kuatmi pawl cohlan an si rih lai lo.

Atu lio nan dirhmun ah caan saupi nan i tap lai. Hmailei kal ning a fum dih lai.

Sinain, RSC nih phone an in chawnh lo khi na case an in kharpiak tinak asi lo. Nangmah nih phone na chawnh hna i ‘US kal ka duh lo, ka leet piak uh’ na ti hna silole phone an in chawnh khawh lo lawngah an in kharpiak lai. Mah lo paoh cun pehtlai tein an in tolrel piak peng ko lai.

US kal na duh ṭhan lo ahcun RSC chawnh in leet ter khawh an si.

RSC sinah na min a phak cang ahcun a herhmi paoh anmah nih phone an in chawnh lai. Ngandamnak le ramthumnak kalnak kong cu IOM nih phone an in chawnh lai.

Na konglam he pehtlai in aa thlengnawngmi silole aa chapmi pakhat khat um cun RSC ah thawngthanh hna. Appointment an in pekmi ni ah na kal lo ahcun na case tolrel ning tlaiter deuh asi ve, cucaah na kal khawh lo ding asi ahcun a hlankan in RSC le IOM ah thawngthanh hna.

Na konglam theih na duh ahcun mah https://casi.rescue.org/ hi hmet law na case number le password in lut law zoh.

Malaysia ummi nih cun, Email: KLInquiries@rescue.org , Phone: 03 2141 5846 ah RSC pehtlaih khawh a si.

- Advertisement -

Ṭial Tharmi

Malaysia: Raikhamsi voi 2 aa chun cangmi pawl cu restaurant ah rawl ei ngah cang lai

COVID-19 raikhamsi voi 2 ning tein aa chun cangmi pawl cu tu hnu ni tlawmpal ah zapi zaran nakin an zalong deuh cang lai. Malaysia...

Aung La i phomh dingin Singapore a phan cang, a sung hoi hnga maw?

Aung La Nsang cu July 30 ah Singapore ah Brazil pa Ataides he aa phomh ding an si caah tuni ah Singapore ram a...

US ah Pu Van Hnuai Hnin a nunnak liam

US ram, Indianapolis khuapi um Pu Van Hnuai Hnin nih ruah lo piin July 20 zaanlei 4:30pm ah hi vawlei nunnak in a kan...
- Advertisement -

Malaysia: October thla ahcun kan ram um kum 18 cung vialte COVID-19 raikhamsi kan chunh dih hna lai

Malaysia ram hruaitu Rampumpi Vuancichoh Pu Muhyiddin Yassin (hmanthlak) nih, "A ra laimi October thla ahcun kan ram um kum 18 cung vialte (rammi...

Malaysia nih raikhamsi voi 2 aa chun cangmi pawl caah SOP dorh/lo hmai zarh ah bia a chah lai

Malaysia ram hruaitu Prime Minister Pu Muhyiddin Yassin nih, "COVID-19 raikhamsi voi 2 aa chun cangmi pawl caah COVID-19 zulhphung SOP dorh/lo cu hmai...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -