Ronaldo Changtu Dingah Real Nih Hodah A Cawk Lai?

Ronaldo Changtu Dingah Real Nih Hodah A Cawk Lai?

Vawleipi a hnintu Cristiano Ronaldo cu Juventus club nih Real Madrid sinah 100 million euros ($117.3 million) in a cawk taktak cang. Juventus caah kum 4 chuih dingin a cawk hi si.

Mah thawngpang a len cangka in Juventus club stock man cu 35% leng bak a kai manh cang.

Kum 33 pa C. Ronaldo cu kum 2009 ah Real Madrid club nih 80 million pounds ($106.1 million) in Manchester United club sinah a cawk hnu in Real caah puai 438 a chuih i goal 451 a goal piak hna. Champions League voi 4 a lakpi hna i La Liga voi 2 a lakpi hna.

“Ka tuanbia thar ttialnak caanttha a hong cang,” tiah Ronaldo nih a fans pawl sinah a ttialmi zong Real Madrid nih a tar. “Ronaldo cu hmailei pi i techin fapar chan tiang Real min-ngeihtertu a si zungzal ko lai,” tiah Real nih a comment chih.

CR7 a um ti lai lo caah Real team cu kua nganpi a awng cang lai. Mah kua phihnak caah cun Real nih a thiam taktakmi pakhat a cawk tthan hau.

Ho dah a cawk lai ti balte a fiang rih lo nain – Mbappe, Neymar le Hazard hna lakah pakhat paoh a cawk te men lai tiah mi tampi nih an zumh.

Anmah 3 hi atu lio bawlung vawlei chak tlaitu an si – Messi cu cawk khawh ding si lo caah chim awk um lo..

Brazil pa Neymar, kum 26 hi naite ah PSG nih a cawkmi si ko nain aa nuam lo ngai i club dangah tthial a duhnak kong a chim pah lengmang.

Atu lio World Cup zoh a nuamhtertu France pa Mbappe, kum 19 hi PSG club nih aa zohthla taktakmi a si. Kum 19 te lawng a si rih caah Real caah cun cawk phu taktak a si.

https://youtu.be/M0fRvJ0TMWM

Belgium captain pa Hazard, kum 27 zong hi Chelsea club teinak tawhfung tlaitu bak a si.

Aho hi dah Real nih caw sehlaw a ttha bik hnga?

| Bloomberg, Goal.com le Daily Express

Be the first to comment

Leave a Reply

Your email address will not be published.


*