Rohingya Ralzaam Pawl Kan Ram Ah Dornak Pek Dingin Timhcia Kan Si: Canada Cozah

Rohingya ralzaam pawl cu Canada ram ah dornak pek dingin timhcia kan si tiah Canada cozah nih May 23 ah thawng a thanh.

Myanmar le Bangladesh ah harnak a tongmi Ronghingya ralzaam hna kongah Canada cozah nih $300 million ka bawmh hna lai i ka ram ah dornak ka pek hna lai tiah a ti.

Myanmar cozah nih Rohingya pawl kan ram ah an kir kho cang. An umnak hmunhma timhtuah piak dih an si cang a ti bak in Canada nih Rohingya ralzaam pawl cu ka ram ah dornak pek dingin timhcia ka si a ti ve.

Rohingya zohkhenhnak

Canada cozah nih Rohingya ralzaam pawl cu zeitik in dah a lak hna lai, Rohingya ralzaam pa zeizat dah a cohlan lai timi cu a fiang rih lo. United Nation Agency he i ceih te ding an si.

Canada Ramdang Vuanci Chrystia Freeland cu 2018 kum thok ka ah Bangladesh ram um Rohingya ralzaam pawl a va zoh hna hnu in Canada nih ralzaam dornak a pek awk a si tiah a ti.

Rohingya ralzaam pawl cu an duh ahcun Myanmar ram ah an kir kho i an duh ahcun Canada ram ah an i dor kho. Atu tan Canada cozah nih Rohingya ralzaam pawl $300 million a bawmhmi hna hi kum 3 ca a si.

Leave a Reply

Your email address will not be published. Required fields are marked *