Ritsii zuartu Myanmar pa Thailand palek nih thi lakin an kah

- Advertisement -

Kan hnu zarh Ningani ahkhan phungninglo miphortu Myanmar pa cu Thailand palek he an i kap i palek nih thi lak in an kah. An thahmi Myanmar pa inn chungah ritsii (methamphetamine) tlang 500,000 le ritsii sernak thilri an hmuh.

Myanmar rammi Maung Oo timi pa cu Thailand rammi pakhat he ritsii an ser i an zuar.

“Maung Oo cu Ningani ahkhan Nong Hong district, Asia Road 41 ah palek nih meithal in kan kah. Amah cu Thailand rammi pakhat he Nakhon Si Thammarat peng ah an um tti i an inn ah ritsii an ser tiah kan theih. An inn cu Nirukni ah kan luh hnawh” tiah Thailand palek bawi Sonthichai Arwattanakulthep nih a chim.

Thailand palek nih ritsii cawtu bantuk in an i umter i Maung Oo nih motor in pek a va timh hna lio ah palek nih a motor cu an kulh. Mah ahcun, Maung Oo nih meithal in a kah hna i zaam aa tim nain Thailand palek nih meithal in an kah ve i a thi.

Palek nih motor cu an check i a chungah ritsii tlang 10,000 an hmuh. Palek nih thil sining tam deuh an hlat hnu ah a inn tiang an va luh hnawh hi a si.

Maung Oo cu Thung Song district ah nupi (Thailand nu) a ngei. A nupi min cu Kittiya (kum 23) ti a si i palek nih bia an hal.

Kittiya nih ka vapa cu Myanmar rammi a si ka hngal lo tiah palek sin ah chim. Maung Oo he hin Facebook in kan i thei i Chiang Rai ah a chuakmi ka si, Chiang Rai khua chaklei le thlanglei ah motor zuar rian ka ttuan a ka ti tiah palek sin ah a chim. Rithaisii kong ah zeihmanh ka thei lo tiah a chimchap.

Maung Oo cu ritsii ser le zuar lawng siloin thil tthalo tamtuk a tuah ruangah ni kum inkhan Thailand palek nih tlaih duhmi cazin ah an chiah cang.

Ṭial Tharmi

Thantlang ah Vok zawtnak in vok 1,360 an thi cang

Thantlang khua ah inn zuatmi vok pawl cu Porcine Circovirus Type-2 (PCV-2) zawtnak ruangah an thi hna i April 20 in August...

Myanmar cozah nih ramdang ah aa tapmi a rammi 10,000 leng a lak cang hna

Myanmar cozah nih ramdang ah aa tapmi a rammi pawl cu vanlawng in a lak hna i August 12 zaan tiangah minung...

VP Pu Henry Van Thio: Tedim khua district ngahnak kong cu President biakhiahmi ah aa hngat

Myanmar Vice President Pu Henry Van Thio nih Tedim khua district ngahnak kong cu Myanmar President biakhiahmi cung ah aa hngat...

Malaysia ah Covid-19 mizaw thar 15 an hmuhchap

Tuni ah Malaysia ah Covid-19 zawtnak ngeimi 15 an hmuhchap hna i zawtnak ngei hmuhmi dihlak 9,129 an si cang.
- Advertisement -