May 10, 2021

Rev. Lai Nou nih Malaysia ah a kan liamtak

Malaysia ah Chin miphun kan pa pakhat asimi le CRC ah kum 2019 lio in ruahnak petu (Advisor) pakhat zong a simi Rev. Lai Nou cu May 10 zaanlei 2:10pm ah Pantai Hospital, Kuala Lumpur ah Pathian sinah a kan dinh taak.

Amah hi Matu Christian Fellowship (MCF) ah caan saupi pastor a kan ṭuanpiakmi asi.

Ruak humhnak cu cu May 12 zingka 9am ah MCF biakinn ah an tuah lai. COVID-19 zulhphung zulh a hauh caah minung 20 lawng ruak humh khawh asi lai.

Malaysia CNF meeting ah bia a chim lio – hmanthlatu: Lal Mi Sak Sawmhal

Ruak cu 11am ah Sungai Buloh thlanhmun ah an vui lai. COVID-19 zulhphung zulh a hauh caah minung 15 lawng ruak vui nak ah kal khawh asi.

Ruak vuinak cu Rev. Samlut Tang Awng nih a tuah lai.

Tantaakmi chungkhar le Khrihfabu member nan dihlak nan ngaihchiatnak kan in hrawmpi hna.

Hmasa thawngpang

Malaysia rampumpi May 12 in June 7 tiang lockdown (MCO) dih asi lai

Hnu thawngpang

Australia Chinmi nih CNA caah dollar ting 7 leng an pek cang

Lian https://thechinexpress.com

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.