16.3 C
Hakha
Sunday, August 1, 2021
- Advertisement -

Ṭial Tharmi

Rev. Dr Van Ram Uk: Khrihfa nih cun Misual le Chiaṭha-khat aa Duhmi Zong Kan Ngaihthiam Hna Awk Asi

Pathian thawngṭha chimtu Chinmi lakah kan pa bik a si vemi Rev. Dr Van Ram Uk cu ‘US cozah nih chiaṭha-khat ṭhitum a onhmi’ kong an hal. A lehmi hna ngaih tikah aa toidor tuk ning le a fian tuk ning khuaruahhar si. Mifim hrim a rak si. Zumtu ṭha taktak le bochan awktlak taktak a sinak a lang.

An inn chungkhar ah a ummi minung 30 he a tahchun.

“Kan inn chungkhar ahhin minung 30 hrawng kan um. Mah chung hin zuu dingmi, kunza eimi le a firmi zong an um.

“Khakha ka duhmi cu an si lo e, sinain ka upat hna. Ka lungchung ahcun i thleng hna seh ti cu ka duh tuk hna. An i thlen hlan lo cu inn cun ka dawi hna lo.

“Ka chim hnawhchanmi cu, anmah bantukin kan um ve lai ka tinak asi lo. Nawl an ngai lo ti cu kan hngalh ko, nain upatnak pek tein um ka cawn lio asi ka ti duhnnak asi,” tiah a chim.

A chim duhmi cu: Chiaṭha-khat aa duhmi cu Pathian nawl an ngai lo ti kan hngalh caah kan tuah ve awk si lo (ka cohlang lo), nain kan upat hna awk an si (huat in doh le dawi awk an si lo), ti khi si.

Interview tuahtu nih, “na inn chungkhar ah nu le nu aa duhmi siloah pa le pa aa duhmi (LGBT) um hna sehlaw, anmah zalonnak pek maw nai thim deuh lai asiloah Pathian duhnak tuah dah nai thim deuh lai?” tiah a hal chap.

Rev. Dr Van Ram Uk nih, “LGBT cu kan inn chungkhar ah an um lo caah a ummi he ka tahchun lai mu. Kan inn chungkhar ahhin zuu dingmi, kuak zumi, kunza eimi le a firmi an um. Sinain zalonnak ka pe hna lo. Ka ngaihthiam hna i tangka an firmi zong cham ka bawmh hna.

“Atu hi kum 25 kan phan cang i … kha lio i zuu a rak rimi hna kha an ri ti lo i an luat cang. A luatmi nih an ka chimhmi cu ‘ra kan ngaihthiam hlah law kan tlau ko lai ee’ an ti.

“USA ah ummi chiaṭha-khat aa duhmi pawl kha ramdang ah an dawi hna cun an thah ko hna lai cu.

“Cu ruangah, ngaihthiam le upatnak an pekmi hna cu thluachuah an conak a langhnak si ee ka ti duhnak asi. Chiaṭha-khat ṭhitum ka tuah ve lai ka ti duhnak cu si lo,” ati.

Chiaṭha-khat ṭhitum ka tuah ve lai ka ti duhnak asi lo (ka cohlang lo). Khrihfa nih cun kan ngaihthiam hna le upatnak kan pek hna ahcun thluachuah kan conak asi ko

— Rev. Dr Van Ram Uk

Theihternak: Lai website tampi nih pingpalo in an lak i “Rev. Dr Van Ram Uk nih chiaṭha-khat ṭhitum a pom” tiin an ṭial, mi tampi nih comment ah dawhcah lo tukin an timi kan hmuh caah ṭha tein interview video kan ngaih i a chim ning tein kan rak ṭialmi asi.

Rak share cio ulaw, hi tlukin a ruahnak sang i a zumhnak fekmi kan pa hi Pathian nih a ram kauhnak caah hmang chin lengmang ko seh.

A chimmi cu atang video ah zoh khawh asi

- Advertisement -

Ṭial Tharmi

Myanmar uknak firtu Min Aung Hlaing nih ‘thimnak kan tuah lai’ ati than

Myanmar mipi thimmi cozah uknak a chuttu ralkap bawizik Min Aung Hlaing nih thla 6 hnu tuni ah, "party dihlak telh in thimnak kan...

Australia Chinmi chungin palik officer kan ngeih hmasa bikmi Sang Bawi hmurka

Sang Bawi (hmanthlak) hi Australia ram ah Chinmi chungin palik officer a kan ṭuanpiak kho hmasa bikmi asi. Queensland state khualipi Brisbane ah Police...

Malaysia: Pu John Kham le CRC nih COVID-19 mizaw Chinmi rawl an chanh hna lai

Malaysia um Chinmi zohkhenhnak bu Chin Refugee Committee (CRC) le Pu John Kham nih CRC zung pawng sang 6: PuduImbiLoke YewMaluriJalan Sungai Besi leBukit Bintang...
- Advertisement -

CNF le CDF nih Kawl Ralkap 26 leng an thah hna

Chin National Front/Army (CNF/A) le a ṭengnge Chinland Defense Force (CDF) nih July 19 in 31 kar ah Kawl Ralkap 26 leng an thah...

Malaysia: KL le Selangor um Chinmi vialte appointment hau loin raikhamsi chunh khawh asi

Kuala Lumpur le Selangor um ramdangmi vialte, UNHCR card ngei he ngei lo he appointment sok hau loin August 9 in 22 tiang raikhamsi...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -