Rev. Dr. Hre Kio nih US cozah sinah Myanmar ralkap uknak hrawh khawhnak lam phun 3 a chim

- Advertisement -

US um Rev. Dr. Stephen Hre Kio nih US Hluttaw Sang chungtel Senator Todd Young sinah bawmh a halmi cu a ṭha kho taktak.

Myanmar ralkap nih uknak a firmi cu US um Chinmi zong an lungrethei tuk i tuni ah Senator Todd Young an ton i “US cozah kan chimhpiak” tiin bia tampi an chimh.

Rev. Dr. Hre Kio nih “ralkap uknak kan hrawh khawhnak dingah ka ruahmi phun 3” tiin a chimh ve i an ṭha taktak.

1. US cozah nih Myanmar ralkap duhlo langhternak Civil Disobedience Movement (CDM) hi bawm seh. US um Kawlrammi nih pumpak le khrihfabu in kan bawmh ko hna nain tampi kan bawm kho peng hna lai lo. US cozah caah cun $10 million cu zeihmanh asi lo.

Myanmar mipi le cozah rianṭuan pawl nih ngol loin duhlonak an langhter (CDM) peng ahcun ruahchannak a um.

2. Myanmar ralkap cozah hi ASEAN chungtel ram pawl;

  1. [Singapore
  2. Thailand
  3. Malaysia
  4. Indonesia
  5. Philippines
  6. Vietnam
  7. Cambodia
  8. Brunei le
  9. Laos] nih cohlang hlah uh tiin US cozah nih kan forhfial piak seh.

Myanmar cu ASEAN chungtel ram asi caah ASEAN chungtel ram pawl nih ralkap cozah an cohlan lo ahcun a cawlcang kho huaha lai lo.

3. Myanmar nih ramdang tangka aa chiahmi $5.7 billion hrawng hi US le a ṭanṭi ram pawl nih kharpiak dih uh.

US cozah nih US um $1 billion cu a kharpiak ko cang nain tamtuk a taang rih.

Mah tangka hi ralkap nih hman khawh lo dingin nan khar ahcun ralkap a cawl kho ti lai lo.

Hmasa ka chimmi 2 he le mah hi aa fonh ahcun ralkap uknak hi kan hrawh khawh ko lai tiah ka zumh.

Atang video minute 56nak zawn ah si lai.

Share kan bawm vea chimmi hi na lungtlin ahcun mi tam deuh hmuh dingin share ve. Website dang nih copy/paste lo ding.

Lian
Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih.Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...