Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

- Advertisement -

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, “Ramthumnak phan Chinmi hna hi atu lio Kawlram um Chinram le Chin miphun chanh dingah ṭuanvo nganpi kan ngei. A har ko lai, i hnek ko usih,” tiah Australia, US le ramthumnak um Chinmi vialte a sawm hna.

Mindat peng kan fale hna Kawl Ralkap ṭih in ruahpi sur, khuasik le cangvat lakah an zaam i lungkuai in Pathian sinah bawmh an hal

“Kan fale Generation Z an timi mino tete nih an hmuhmi hriamnam i tlaih in Chin miphun le Chinram khamh dingah nunnak thap in ralhrang cu an doh cuahmah lio asi ve. Caan sau deuh a nguhmi rawl fangvoi reu an i sanh i ‘Dawtmi hna, inn ah ka rak kir ṭhan khawh tilo ahcun nan ngaihchia hlah u, khua le ram le miphun luatnak dingah a nunnak a pek tiin lungsaknak rak ngei te ko u’ tiah biabeuh an chim hnu ah an dawtmi hringtu nulepa, chungkhar unau, ni le far hna cu kaltak in nilin, ruahsur, hlingso, sahrang le cangvet ṭihlo in ram tang ah an vai.

Mindat peng Chinmi hna ruahpi sur lakah an zaam

“Ralhrang Kawl Ralkap nih Laitlang cu vutcam ah ser an timh cang caah kan ram le kan miphun runvennak caah hriamnam ṭha cawk lawng si tiloin vanlawng kahnak hriam hrimhrim hi kan cawk a hau cang. Hi vanlawng kahnak hriam hi a man a sang i atu bak ah cawk a hau cang fawn. Cucaah a tambik na ti khawh chungin “vun i hnek law na kut samh ko” tiah kaan nawl i kaan sawm. A har ko lai i hnek ko usih. 

“Ram le miphun nih nangmah thengte atu ah aan hlam,” ati.

Kawl Ralkap ruang Mindat peng Chin ralzaam dirhmun

A HAR KO LAI IHNEEK KO USIH

Dawtmi ule nau hna,

Kawlram ah mipi a thattu rallokap ralhrang nih ningcang loin tleih le hrem le thah asi caah mipi zong nih an ngeihmi hriamnam ilaak in mah pum ralveennak an tuah ve cang. 

Laitlang zongah rallokap ralhrang nih kan dawtmi kan phun hawi unau hna cu an thah lengmang hna lio asi. Pathian dahlo cu Chanhtu an ngei lo. Cozah zong a um ti lo. Ramthumnak a phaanmi nangmah le keimah kan i thawh hrimhrim a hau cang. A har ko lai ihneek ko usih.

Mindat peng Chin ralzaam kan fale hna an ngandamnak caah sii ai le rawl bawmh an hau

Tutan ahhin ramthumnak a ummi Chinmi nih kan ruah ding cu “zei ruangah dah Pathian nih ramthumnak hi a ka phanhter” tihi asi. Ramthumnak a phanmi Chinmi hna hi atulio Chin Cozah cu kan si. Kawlram a ummi Chinram le Chin miphun chanh dingah ttuanvo nganpi kan ngei. A har ko lai ihneek ko usih.

Kan fale Generation Z an timi mino tete nih an hmuhmi hriamnam itleih in Chin miphun le Chinram khamh ding ah nunnak thaap in ralhrang cu an doh cuahmah lio asi ve. Caan sau deuh a nguhmi rawl, fangvoi reu an i sanh i “Dawtmi hna, inn ah ka rak kir tthan khawh tilo ahcun nan ngaihchia hlah u, khua le ram le miphun luatnak dingah a nunnak a pek ti in lungsaknak rak ngei te ko u” tiah biabeuh an chim hnu ah an Dawtmi hringtu nu le pa, chungkhar u le nau, ni le far hna cu kaltak in nilin, ruahsur, hlingso, sahrang le cangvet ttihlo in ram tang ah an vaai.

Kawl Ralkap ruangah a zaammi Mindat peng Chin ralzaam hna ramtangah thih ri nun ri in an um

Cubantuk in fale nau nih nunnak pek in dothlennak an tuah lio ah motor tthatha i mongh i rawldawr tthatha ah nuamngang in puai tuah i eidin le tangka a tampi vonhman ko kha le nuamseih duh ah hauleeng chuak in duh thlaimai in holiday kal i tlonleen kan hman tawnmi vialte kha ngol rih usihlaw ram le miphun caah ihneek deuh usih.

Ralhrang nih Laitlang cu capvam ah ser ding an timh cang caah kan ram le kan miphun runveennak caah hriamnam ttha cawk lawng si tiloin vanlawng kahnak hriam hrimhrim hi kan cawk a hau cang. Hi vanlawng kahnak hriam hi a man a saang i atu bak ah cawk a hau cang fawn. Cucaah a tambik na tikhawh chungin “von i hneek law na kut samh ko” tiah kaan nawl i kaan sawm. A har ko lai ihneek ko usih. 

Ralhrang Kawl Ralkap ruangah Thantlang peng khua 3;

“Ram le miphun nih nangmah thengte atu ah aan hlam”

Ram le miphun luatnak caah ti in,

Dennis Shu Maung
CCCA Gen. Secretary
Victoria, Australia

Rev Dr Dennis Shu Maung
Lian
Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih.Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...