17.5 C
Hakha
Thursday, January 21, 2021

COVID-19

Vawleipumpi
97,353,873
A zawmi
Updated on January 21, 2021 8:30 am
Vawleipumpi
2,084,498
A thimi
Updated on January 21, 2021 8:30 am
Vawleipumpi
69,693,025
A dammi
Updated on January 21, 2021 8:30 am

Refugee Council USA: Trump nih ralzaam 18,000 lawng lak a duhmi hi chap deuh uh

Advertisement

US President Donald Trump nih 2020 Budget Kum chungah ralzaam 18,000 lawng lak dingin Hlutdaw a halmi hi ‘America tuanbia ah a um bal lomi le midang zaangfahnak ngeih lo asi i America nih hartong bawmh aa hmaithlakmi he aa ralkah, tiah Refugee Council USA nih cathanh a chuah.

Trump nih 2020 Budget Kum chungah ramleng in ralzaam 18,000 lawng kan lak lai, tiin US Hlutdaw (congress) ah a hal. Hlutdaw nih biakhiahnak a tuah rih lo. US tuanbia ah tutan hi ralzaam tlawmbik an lak si lai.

“Tuanbia ah US nih kum fatin ralzaam 95,000 hrawng peng a lak hna i vawlei cungah ralzaam tambik a latu asi peng.

“Hi tlukin umnak ngei lo ralzaam an karh lio ah hartongmi kutka khar khenh cu, kum sawm tampi chung zei party paoh nih an tuah pengmi a donghter pinah, lak a herhmi ralzaam thong tampi a hlawt hna i thih ri nun ri ah a kaltak hna.

“Trump nih hi zat lawng lak dingin Hlutdaw a hal ruangah, ralzaam rel cawklo cu US kal khawhnak lam an ngei ti lo. Hi bantuk biakhiahnak nih chungkhar rel cawklo cu ramdang le ramdang ah dongh ni ngei loin a ṭhen hna lai.

“Atu hi vawlei cungah umnak ngei lo ralzaam an tam bik lio si caah, US nih a bawmh hrimhrim hna a herh, a kaltak hna ding si lo. Kan ram nih ralzaam hi a bawmh khawh ko hna i a bawmh hrimhrim hna awk asi. A him lo khunmi ralzaam pawl cu US zongah a lak hna ding asi.

“US Ralzaam Laknak Program (USRAP) cu mipi le pumpak, NGO, biaknak, sang, state le rampumpi cozah vialte i bawm dih in kum 40 chung dengmang a kal cangmi si.

“Ralzaam nih nunphung, chawlehnak le hawikomhnak in kan sang le kan ram an ṭhawnter deuh.

“Hi zat lawng lak ding ti cu, US cozah nih America le ralzaam thinlung ah ‘hartong bawmtu ṭha bik a sinak’ kha a hnawh. US nih ralzaam lak khawhnak thazaang, chawva le kum fatin a tlawmbik ralzaam 95,000 peng lak a duhmi mipi a ngeih ko hna.

“America nih ralzaam lak aa nunpi pengmi kha, Trump acozah le Hlutdaw nih a rannak in nunter ṭhan uh tiah kan in nawl hna,” tiin Refugee Council USA nih a thanh.

- Advertisement -

Bawmh Khawh Kan Si

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan rianṭuannak ah bawmh a kan duhmi nan um cun, thla 1 $5 tein bawmh khawh kan si.

Ṭial Tharmi

Ṭial Tharmi

COVID-19

Vawleipumpi
97,353,873
A zawmi
Updated on January 21, 2021 8:30 am
Vawleipumpi
2,084,498
A thimi
Updated on January 21, 2021 8:30 am
Vawleipumpi
69,693,025
A dammi
Updated on January 21, 2021 8:30 am
- Advertisement -