Ramleng Senthang upa nih hitin CDF-Hakha le CDF-Senthang kong cathanh an chuah

Ramleng um Senthang upa pawl nih CDF-Hakha le CDF-Senthang kong cu atanglei bantukin cathanh an chuah.

“CDF-Senthang le CDF-Hakha Battalion 2 (Senthang) karlak ah kap khat lei lawng ṭanh in cathanh va chuah le miphun dang theih tiangin social media ah ca va thlah ti bantuk zong a um tinak hnga lo ramchung le ramleng um Senthang vialte hna zong nih nanmah le umnak bu le khrihfabu cio sin zongah chimrelnak ngeih khawh rak i zuam cio hraam uh.

“Ramchung ramleng um nan ule le nan pale zong nih, CDF-Senthang le CDF-Hakha Battalion 2 (Senthang) karlak ah i hmuh thiam lonak le miphun dang theih tiangin i entainak a um tinak hnga lo le khatlei le khatlei nan lung i ṭhumh in a herh caan poh ah pehtlaihnak ṭha ngei in lungrual tein rianṭuan ṭi, cawlcang ṭi, thazaang chuahṭi hraam ko uh, tiah kan in nawl hna.

“Nunthap in ram le miphun caah rian a ṭuantu; Miphun dawtu le Miralṭha hna nan dihlak cungah upatnak kan in pek hna,” an ti.

An cathanh chuahmi cu CDF-Senthang nih atanglei bangin lunglawm tein a cohlan

SC, SO, MSCF, SE, JAPAN nih CDf-Senthang le CDF-Hakha No. 2 (Senthang) kong ah cathanh an chuah mi cu CDF-Senthang nih kan upat i kan i lawm.  

Siaherhnak nak he khua nan kan khan piak mi a si bantukin kan mah zong nih daw le ram tein dothlennak ah riantuan ti kan i zuam lai. 

Hmailei zong ah ruahnak peknak in siseh, bawmhnak in siseh thazang rak kan pe hram uh law kan tanpi hram ko uh tiah upatnak he kan in nawl hna. 

Dothlennak tuah nak ah dawtu, bawmchantu, dirkamhtu nan dih lak cung ah kan i lawm tuk upatnak kan in pek hna. 

Upatnak he,

CDF-Senthang