Ramleng ah Chinmi 200,000 leng kan um – Dothlennak ah a ṭhawngbik kan si kho

- Advertisement -

Chinmi hi kan i lungrual dih ahcun uknak firtu Kawl Ralkap dohnak ahhin Kawlram chung state le region dihlak ah a ṭhawngbik 5 chungah kan i tel kho.

Kawl ralkap nih uknak a fir hnu in hriamnam tlaimi minung zong hi state/region milu zatuak cun Chinmi kan tam cem kho men:

  1. CDF-Tonzang,
  2. ZFU,
  3. CNDF,
  4. CDF- Thantlang,
  5. CDF- Hakha,
  6. CDF – Zophei,
  7. CDF – Lautu,
  8. CDF – Zotung,
  9. CDF – Mara,
  10. CDF – Matupi,
  11. CDF – Mindat,
  12. CDF – Kanpetlet,
  13. CDF – Palehwa,
  14. CDF – KKG.

Chin state ah Chinmi 478,801 te lawng kan um. Nain, ralkap nih uknak a fir hnu in pengtlang kip ah Chin mino acheu (50%) hrawng nih hriamnam an tlaih. Phun dangin chim ahcun Kawlram chungah ralkap uknak fak bikin a dotu miphun kan si, ti khawh asi – kan milu a tlawm nain kan dihlak dengmang in kan doh. Miphun dang le state/region dang cu an milu tam nain mi tlawmte lawng nih an doh.

Chin miphun kan thazaang

Ramleng ah Chinmi 200,000 leng kan um;

  • US – 60,000 hrawng – ralzaam
  • Australia – 15,000 hrawng – ralzaam
  • Norway – 2,200 hrawng – ralzaam
  • New Zealand – 2,000 hrawng – ralzaam
  • Canada – 1,800 hrawng – ralzaam
  • Denmark – 1,500 hrawng – ralzaam
  • Thailand – 700 hrawng – rianttuan
  • Sweden – 400 hrawng – ralzaam
  • Japan – 350 hrawng – rianttuan
  • South Korea – 300 hrawng – rianttuan
  • Czech Republic – 100 hrawng – ralzaam
  • Netherlands – 100 – ralzaam
  • Switzerland – 40 hrawng – ralzaam
  • Philippines – 100 hrawng – rianttuan le sianginn kai

Ramleng um Chinmi ṭha tein milu relnak a um lo caah a dikthlir in hngalh khawh a si lo i khrihfabu hruaitu le community upa pawl nih ‘a hrawnghrang’ an chimmi in tuak a si caah hi nakin tlawmte a tam/tlawm deuh kho.

Kawl ralkap dohnak caah cun tangka (hriamnam) zong hi a biapi bikmi ah aa tel ve. Atu ahcun kan chanbau nain ramleng um Chinmi vialte nih atu hi thla fatin minung 1 nih $100 cio thawh in CDF bawmh peng dingin khua an khan – Zophei cu $200 peng thawh dingin khua an khan liopi asi.

Miphun dang cu tangka (hriamnam) kongah hi tlukin bawmtu an ngei hna lo.

US lawngah Chinmi 60,000 leng an um. Mah chungah rianṭuanmi hi 30k si hna sehlaw thla fatin $100 peng an thawh ahcun thla fatin $3 million (Kawlram ting thong 5) peng a chuak lai.

Australia ah thong 15 hrawng an um ve. Norway, Canada, New Zealand, Denmark, Germany, Malaysia, tbk vialte in $1 million hrawng peng a chuak ve lai.

Kum fatin $48 million peng kan chuah kho.

Cucaah, kan i lungrual dih ahcun Kawlram chung dothlennak ah a ṭhawng bikmi miphun, a ṭhawng bikmi state ah kan i tel kho.

Lian
Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih.Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...