15.1 C
Hakha
Monday, June 21, 2021
- Advertisement -

Ṭial Tharmi

Ralrin Peknak: Laimi Hohmanh “MLM” ah Lut Hlah Uh

US, Australia le Canada um Laimi cheukhat nih zei thei lo kan Laimi tampi cu “tangka tampi dih hau loin rum khawh asi…” tiin an leem hna i Multi-Level Marketing (MLM) ah an luhpi hna. Luhman tangka ceilak an lak hna.

Anmah nih Laimi an hlen hramhram hna cu asi lo kho men, anmah hrimhrim kha Mirang (le miphun dang) nih an hlenmi hna an i zumh caah thil ṭha ah an ruah taktak ve i asi kho men.

Sinain, a lutmi pawl cu thla 3 hnu hmanh ah tangka an hmu lo. Phun dangin chim cun, luh man an liammi cu an sung dih.

A biapi taktakmi cu, Laimi cheukhat nih Laimi dang an sawmmi hna hi MLM dik si loin Pyramid Scheme asi. Company thilri zuar nakin mithar luh tha an pek deuh hna. Mi na luh khawh lo ahcun tangka na hmu lai lo, company thilri zong tam na zuar kho lai lo i kum 1 chung hmanh ah luhman na liammi zat na hmu lai lo.

Cun, mi na luh hna ahcun, na luhmi minung pawl kha an hlawhtling lai lo i luhman an liammi zat hmanh an hmuh lai lo caah hnu ahcun “na ka hlen” tiin an in huat lai. Na hawikom le chungkhat zong nih an in huat dih lai.

Canada ah MLM a lut ve i thil ṭha lo tuk asi ruangah “hohmanh lut hlah uh, mi hlen asi” tiin a chimmi VIDEO hi zoh ve.

MLM cu upadi nih a onhmi si i luh man ah $300 te hna liam a hau lo, luhman cu $5 silole $10 lawng an si. Cun, nangmah tangka in company thilri cawk (invest) ter le zuar ter asi lo. Nangmah nih cawk loin company thilri zuar bawmh i na manhmi chungin zatuak tlawmpal kha zuarman (commission) i lak si.

Nain, Laimi cheukhat nih MLM an luh pimi hna cu;

  1. luh man cei lak an lak hna pinah,
  2. company thilri zuar nakin mithar kawl le luhter tha an pek deuh hna. Mithar an luh khawh ahcun luhman an lakmi hna kha an i cheu.
  3. Cun, anmah tangka tampi dih in company thilri an cawk (invest) ter hna, an zuar khawh lomi vialte an sung dih, a miak cu chim hlah.

Hihi cu MLM dik asi lo, Pyramid Scheme asi. A piat tein chim ahcun, mihlen in an tangka fir asi. Mah 3 aa tel paoh ahcun a rannak in zaam, na tangka na sung dih lai.

Pyramid Scheme cu Ponzi Scheme ti zongin an auh. Ponzi (a min fak Charles Ponzi) cu Italy mi hrokhrawl pa asi i “postal reply coupon cawknak ah tangka thawh (invest) khawh asi, mi tam deuh na sawm khawh hna cun tangka tam deuh na miak lai …. cu e kha e” tiin mi a rak hlen hna i luhman tangka a lak hna ruangah US cozah nih thongthlakmi pa asi. Pyramid Scheme cu mi hrokhrawl pa Ponzi mihlen ning he aa khah caah Ponzi Scheme ti zongin an auhnak asi.

Pyramid Scheme cu Australia, US le vawlei cung khuazei ram cozah hmanh nih an onh bak lomi asi. Mah ruangah Pyramid Scheme tampi nih cun MLM (Network Marketing le Direct Sell ti zongin an auh) kan si tiin mi an leem ṭheo hna.

US le Australia ah kum fatin MLM le Pyramid Scheme ah luhmi minung tampi tangka tam tuk an sungh peng ruangah Australia le US cozah zung tiang nih “hlen i zumh hlah uh” tiin cozah website bakah ca an ṭial. Mah hi hmet law rel khawh asi.

Pyramid Scheme cu mi tangka fir asi. Na luh ahcun na tangka na sung dih lai. “Rum a fawite, inn in tuah khawh asi … cu e kha e” an in timi kha i zumh hlah. Zeiti hmanh in luhmi caah hlawhtlin khawh ding asi lo caah US, Australia le ramkip cozah nih an khapnak asi.

MLM dik taktak hmanh ah lut law na hlawhtling naisai lai lo

MLM in a hlawhtlingmi an um ve len ko, nain a sungmi let 99 in an tam deuh. MLM cu minung 100 lakah 1 hrawng lawng nih hlawhtlin khawh asi i adang 99 cu zei tik hmanh ah nan hlawhtling kho lai lo.

Cucaah, nan caan le tangka a paam menmen. Na luh vemi minung zong an hlawhtlin lai lo caah hnu ahcun an in huat dih lai. MLM luh nakin part-time rian ṭuan ulaw aa kaih deuh silole zeihmanh tuah loin um ziar law a hlawk deuh.

MLM a tuah i amah a hlawhtling taktak nain sawmmi pawl caah a ṭhat lo tuk ruangah aa ngolnak aruang a chimmi VIDEO hi zoh ve.

Charhchan:

  1. Multi-Level Marketing and Pyramid Scheme by US Federal Trade Commission – Consumer Information
  2. Pyramid Scheme (Protecting America’s Consumers) by FTC
  3. Don’t Get Caught Up in Pyramid Scheme by Australian Government

Cawngia (Advertisement)

US, Australia, Malaysia le Myanmar ummi nih nan sipuaizi cawngia nan duh ahcun The Chin Express Facebook page ah man fawi tein kan in cawngia piak hna lai. Kan website zongah kan in cawngia piak chih hna lai.

Pehtaihnak: +60 1111 300 411

Email: lian@thechinexpress.com

- Advertisement -

Ṭial Tharmi

Malaysia um refugee pawl cu ‘CanSino’ raikhamsi chunh an si lai

Malaysia um refugee pawl zong raikhamsi chunh an si ve ko lai. CanSino raikhamsi chunh an si lai, tiah Malaysia cozah nih a thanh. Malaysia...

Chin refugee an i telnak Malaysia movie nih Shanghai ah ‘movie ṭhabik laksawng’ a ngah

'Barbarian Invasion' timi Malaysia um Chin refugee 2 an i telnak movie nih China ram Shanghai ah movie ṭhabik laksawng Jury Grand Prix a...

Russia ah Min Aung Hlaing a phan

Myanmar uknak firtu ralkap bawizik Min Aung Hlaing cu humhimnak meeting kai dingin nizaan ah Russia khualipi Moscow a phan. February 1 ah uknak...
- Advertisement -

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -