Ralrin kan herh: UNHCR zung hmai ah misual nih Chin nu fir a timh

- Advertisement -

Malaysia um Chinmi hna UNHCR zung kan kal tikah i ralring cio hna usih. Malaysia ah Chinmi a tlau i nihin tiang hmuh ti lomi zong an tlawm ti lo. Malaysia um Chinmi nih an theih cio nakhnga mah ca hi hrawm ve hna.

Zahan zingka 8:30am ah Chin nu cu misual pa nih UNHCR zung hmai bakah fir a timh, tiah Zotung A Secretary sin in kan theih. Chin nu hi Zotung asi.

Chin nu cu TB sii din ah UNHCR zung a kalmi asi. A min le amah hmanthlak cu kan langhter lai lo.

UN kutka hram ah mi ngan nawnpi a simi minak pa nih ‘na UNHCR card ka piah’ tiah Malay holh in Chin nu cu a hal. A pawng ummi nu nih ‘zei dah naa sai’ tiah minak pa cu a leh.

Minak pa nih Chin nu cu a baan le a sam in a dawh colh i a mawttaw lei ah a kalpi. Chin nu cu a lau tuk i a au. Pawngkam um taxi mawng pawl nih minak pa cu an au hnawh len nain ‘ka nupi asi’ tiin a leh hna.

Taxi mawng pawl nih an auhnawh tuk caah minak pa zong cu a lau pah ve i Chin nu cu a zaam kho. A ttah buin UN kutka lei ah a tli. A thinphan tuknak ah a tha ther dih.

Minak pa nih hin thil chuh zong a tim lo, Chin nu bak kha kalpi a timh.

UN kutka lei ah Chin nu a zaam cangka in minak pa cu a zaam ve. An tlai kho lo. Taxi mong pawl zong nih zei miphun asi an hngal lo. Chin nu zong nih a hngal lo.

Malaysia ah caan saupi a um cangmi Rohingya Muslim asi men lai, tiah an zumh. Malaysia ahhin Rohingya misual bu (gangster) an um. Tlaihhrem ding le nupi caah nu fir an hmang. Tangka in tlanhter dingah pa fir zong an hmang. Kum 2013 ah Chinpa pakhat zong an rak fir i ni tampi chung thi dengin an hrem hnu ah RM10,000 in an rak tlanhter hna. An tlanh hnu ah Chin pa cu sau lakte sizung ah a um.

Chin nu hi kum 20 in 30 kar hrawng asi. Kum 3 hrawng a simi fapa 1 a ngei.

TB an ngeih caah an nufa in zing fatin UNHCR zung ah TB sii din dingin an kal peng caah UNHCR zung pawng i a dir tawnmi taxi mong pawl nih an hmuh peng hna i minak pa cu a va asi lo an hngalh.

A fapa cu sii din aa lim cang caah zahan zing cu amah lawng in a kal.

Chin nu le a chungkhar hi US an kal deng cang nain TB an ngeih ruangah sii a ding liomi an si.

Follow US

102,157FansLike
53FollowersFollow
734SubscribersSubscribe

Ṭial Tharmi

Chin Ralzaam caah FREE in Cancer Zawtnak Thlop Khawh Si Cang

A ra laimi October thla ah UNHCR card/catlap le community card a ngeimi ralzaam pawl hna caah Alliance of Chin Refugees (ACR)...

Vum Thu Maung certual sakmi 65% an lim cang

Chin khualipi Hakha um Vum Thu Maung Certual i puai zohtu mipi ṭhutnak cu Chin State Cozah budget ting thong 6 le...

Kawlram ah Covid-19 zawtnak ngei hmuhmi 9,000 leng an si cang

Ngandamnak Vuanci Zung nih tuzaan sml 8 i thawngthanhnak a tuahmi ah Covid-19 zawtnak ngei hmuhmi 9,112 an si cang.

Malaysia ah Covid-19 mizaw thar 111 an hmuhchap hna

Tuni Malaysia ram ah Covid-19 zawtnak ngeimi 111 an hmuhchap hna. Zarh khat chungah mizaw a zaleng an hmuh hna hi voi...
- Advertisement -