Cutuh salawng pawl a thli tein aa bunh i a hmangmi cu thongthlak nan si lai, tiah ralkap nih mipi a tlerh hna.

Cheukhat hmun pawl ahcun ralkap nih salawng phoihpiakmi an um. Salawng hman ruangah thongthlak nan si lai timi cu ralkap nih a kut tangah a ummi media in a thanh.

Mipi nih thawngpang thei hna hlah seh ti a duh caah atu bantuk in cutuh salawng hman a khap hi a si tiah thiltheimi nih an chim.

Ralkap nih uknak a fir hnu in ramchung dirhmi media cheukhat cu license a chuh ko hna nain private media pawl nih an thlahmi pawl cu mipi nih salawng in an zoh khawh caah ralkap nih a duh lo.

Salawng ah zoh khawhmi thawngpang pawl nih kan ram himnak a hnorsuan. Upadi le khua le ram deihnak a rawhter khawh tiah ralkap nih a ti.