Ralkap ruahnak petu Dr. Ngun Cung Lian na rian i phuak

- Advertisement -

Ralkap ruahnak petu Chin miphun Dr. Ngun Cung Lian cu ‘na rian i phuak’ tiah Mara Chin le Chin mino bu kip nih an fial.

Uknak firtu ralkap cu rampumpi ah mipi nih duhlonak an langhter. Dr. Ngun Cung Lian nih ralkap ruahnak petu rian a cohlanmi cu Yangon um Mara Chin Mino nih fakpi kan lungtlinlonak ca, media sin in zapi hmuh in amah pumpak kan kuat cang, tiah Yangon Mara Mino nih cathanh an chuah.

Ram hrawktu ralkap ruahnak petu ah Dr. Ngun Cung Lian aa telmi hi Chin miphun le Myanmar mipi nih kan tumtahmi democracy le amah pumpak hrim nih hriamtlai in ralkap uknak a rak dohmi he zong aa ralkahmi si.

Cucaah, Dr. Ngun Cung Lian nih ralkap ruahnak petu rian i phuak loin a ṭuan rihmi hi Myanmar mipi le Chin miphun caah fihnung taktak asi.

Rampumpi ralkap duhlo langhtertu mipi pawl, upadi pohma a phunphun bunh in ralkap chaktlaihmi palek nih an tlerh hna, timh ciammaam tein an tlaih hna, an kah hna, rammi hna covo hrawh in upadi an ser i ruru hranghrang in an tukvelhmi hna hi ruahnak petu pawl sin in a rami lawngte an si caah Dr. Ngun Cung Lian tuahsernak zong aa tel ve.

Uknak firtu ralkap ruahnak petu Dr. Ngun Cung Lian telh in uknak firtu chungtel paoh cu Chin miphun nih “hremuknak (ralkap uknak) a dih hlan tiang” kan doh peng hna lai.

Mara Chin Mino, Yangon
Chin Youth Network

Lian
Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih.Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...