Thantlang peng Vanzang tlang khua 6 cu uknak firtu Myanmar ralkap nih lengchuah an khap, curfew an tuah.
Vanzang tlang ahcun khua 6;
- Vanzang
- Sopum
- Tlangpi
- Tlanglo
- Lungding le
- Farrawn an um.
Vanzang tlang in khuapi (Thantlang) lei luhnak Sopum khua ah a ummi ralkap nih April 21 in 25 tiang (ni 5 chung) curfew an tuah.
Ralkap cu Sopum khua i Zahnak Tlang le Vanzang khua lei lampial ah an um i mah lam a tanmi paoh an check peng hna.
Vanzang tlang cu zaan khuamui hnu ah lengchuak hlah uh, tiin order an pek hna.
Mah pinah, Vanzang tlang khua 6 cu Thantlang lei kal zong an onh hna lo. Sopum khua in an kirter dih hna. Thantlang in Vanzang tlang luh zong a ngah lo.
Apoi ko
Kan theih cio bantukin, Vanzang tlang cu Chin Miphun Ralkap sakhan lubik a umnak si.
Ralkap nih mipi cozah uknak a chuh thokin KIA, KNU, TNLA, tbk miphun hriamtlai phu pawl he fak piin an i kap peng.
Atu ah Chin ralkap umnak lampi an kham i Chin ralkap sakhan pawng khua 6 ah curfew an tuah cu lung a nuam lo ngai.
