Ralkap nih vanlawng in KIA sakhan 2 a kah

- Advertisement -

Kachin Luatnak Ralkap (KIA) sakhan 2 cu uknak firtu ralkap nih vanlawng in a kah hna caah a rawkmi um len, tiah khuami nih an chim.

Kachin state, Mogaung peng le Tanaing peng Hukawng tlangfiang um KIA battalion 11 le 14 sakhan pahnih cu Myanmar ralkap nih vanlawng in a kah hna.

KIA battalion 14 sakhan kong he pehtlai in pawngkam khuami pakhat nih, “Vanlawng in an kah timi cu a dikmi si ko. Vanlawng in bomb 4 in an kah. Inn 5 hrawng rawk. Minung hliam tongmi cu an um lo,” tiah a chim.

Khuami dang pakhat zong nih, “Vanlawng 2 in an hung kah. KIA ralkap pawl nih mahka pawngum mipi cu an chuahter hna. A himnak hmun ah an ṭhial ter chung hna. Zahan zaanlei 4:20pm hrawngah an kah cu si. Inn 5 an rawk,” tiah a chim ve.

Zahan zaanlei 5pm zongah Mogaung peng um KIA battalion 11 sakhan cu ralkap nih vanlawng 2 in an kah, tiah khuami nih an chim.

“Asi ko. Vanlawng 2 in an hung kah. Bomb 2 an thlak. Hliam tongmi cu an um lo,” tiah khuami pakhat nih a chim.

Pawngkam um khuami pawl cu an inn pawng cio ah an cawhmi vawlei khor chungah an i thup, tiah kan theih.

Mah pinah, zahan chun kha Kachin state, Waingmaw peng Kayayan khuate pawngah KIA le ralkap an i kah caah Kayayan khuate pawng a phanmi mipi an zaam, tiah kan theih.

March 28 zingka zongah Hpakan pengah KIA le ralkap an i kap i ralkap nih vanlawng in a kah chih hna caah ral a fak ngai.

KIA le ralkap cu March 11 hnu in Kachin state hmun kakip ah an i kap peng. — NMG

Lian
Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih.Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...