Tuni November 6 zingka 6am hrawngah ralhrang Kawl Ralkap nih Thantlang khua ah a tlawmbik inn 4 an khangh ṭhan, tiah kan theih.
An khanghmi cu TABC nih ngakṭah an zohkhenhnak inn Paniel Children Home (PCH) asi i a pawnngkam inn 3 hrawng a tlaihchih.
Thantlang khua ahhin ralhrang nih September 9 ah inn 1 an khangh, September 18 ah inn 19 an khangh, October 29 ah inn 164 an khangh, tuni ah inn 4 an khangh cang.
Nizaan ah CDF le CNA nih Thantlang ah Kawl Ralkap 2 an kah thah hna.
Mah ruangah ‘na kan thahmi nak let in nan zun lai…’ ti phun in tuni ah inn an khanghnak si dawh asi.
Biakilh: Hmanthlak thar tar awk um rih lo caah October 28 ah inn 164 an khangh lio hmanthlak kan tar.
