15.1 C
Hakha
Wednesday, October 20, 2021
- Advertisement -

Ṭial Tharmi

Ralkap nih motorcycle aa citmi hitin an kah thah

Mandalay ah motorcycle aa phirhmi kum 19 nu le a vapa cu Zarhpini zaan ahkhan rianṭuannak in an ṭin lio ah ralkap nih meithal in an kah hna caah a thi, a vapa kuan hma tuar.

Mandalay cu ralkap nih zaan leng chuah an khap. An kah hna hi leng chuah khap hnu 9pm hrawngah asi.

Kuan nih a mongtu Ma Htet Htet Win a vapa paw ah a khen.

A vapa nih cun a kuan hma he sii thloptu sinah bawmh hal a timh nain lampi ah a nupi Ma Htet Htet Win cu a tla i a nunnak liam.

Sii thloptu kawl ah an kal lio ahcun ralkap pawl nih “Dir uh” an ti hna i an kah chih thluahmah hna.

Ma Htet Htet Win ruak a latu mikhamhtu pakhat nih, “Ralkap nih hmuh lo dingin i thuh kan hauh caah fawi le bai ah a ruak kan la kho lo. Mah hnu ah kan mawṭaw ah kan kalpi i kan ṭinpi, minutes 20 hrawng kan rau,” tiah a chim.

“Zalam cungah ralkap nih an hmuhmi paoh an kah hna caah zalam cu mi thahnak hmun asi ko. Sii thloptu ca zongah a har tuk. Khuamui lakah kan i thup i a ruak cu kan lak,” ati.

Ma Htet Htet Win umnak an va phak cun a rak thi cang. Mikhamhtu nih, “Alu kuai, saikal in a tlaknak si men lai,” tiah a chim.

A vapa cu a kuan hmuan an hlai piak cang.

Mipi cu ralkap le palek nih chun he zaan he inn lakah an luhhnawh hna i an thah hna. Zarhpini zinglei zongah Kachin state, Bhamo khuami kum 25 pakhat cu ralkap nih an kah thah. — Irrawaddy

- Advertisement -

- Advertisement -

Rel Bikmi

Subscribe to The Chin Express Youtube

The Chin Express nih interview kan tuahmi hna le video thar kan tarmi pawl zoh lengmang na duh ahcun kan Youtube channel ah Subscribe tuah ve.

- Advertisement -