Ralkap nih meithal in an kah hnu ah mei ah an khangh

Mandalay ramtthen, Aung Mye Thazan khua ah mipa pakhat cu ralkap nih meithal in an kah hnu ah mei ah an khangh.

A thimi pa cu a min ah U Aye Ko (kum 43) ti a si i fa 4 ngeimi a si.

U Aye Kyo a nupi le fale cu an i thuh lio a si tiah sangmi nih an chim.

Min langhter lomi sangmi pakhat nih, “Zaan sml 8:45pm hrawng ah sang chungah zung pakhat a kaang. Mei a ngan ngai caah meithat motor a ra i an hmih.

“Khuami pawl cu mei kaang zoh ah leng ah an chuak cio. Mei an thah khawh hnu ah ralkap pawl cu meithal puah pah in an ra. Khuami pawl cu an lau tuk i an zaam dih hna. Mah ahcun, mei kaang maw nan zoh an ti pah hna in meithal in an kah thluahmah hna.

“U Aye Ko cu a tai ah an khen. Mah bu cun midang pawl cu zaam uh tiah a au hnawh len hna.

“Mahtluk meithal kah zong i thih lo cu an ti i ralkap nih U Aye Ko cu lam cung meiduahmi (Tyre khanghmi) lakah an peih/hlonh,” tiah a chimchap.

March 28 zingka sml 7:00am hrawng ah biaknaklei rianttuantu pawl nih U Aye Ko ruak cu an lak.

Azi
Azi
Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cangmi asi.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih. Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh. "Missile kahnak seh kan remh...