9.7 C
Hakha
Wednesday, November 25, 2020

COVID-19

Vawleipumpi
60,518,725
A zawmi
Updated on November 25, 2020 7:36 pm
Vawleipumpi
1,422,921
A thimi
Updated on November 25, 2020 7:36 pm
Vawleipumpi
41,338,997
A dammi
Updated on November 25, 2020 7:36 pm

Ralkap nih Chin Biakinn a kan thianhpiakmi hi tinhmi an ngei lai

Advertisement

Tedim, Chin state — Kawl Ralkap nih Tedim khuapi um CMBC (Cope Memorial Baptist Church) an thianh piakmi hna kong he pehtlai in Tedim khuami nih, “tinhmi ngei lo lungthawh menmen in an tuahmi cu asi lai lo” tiah an chim.

Ralkap le an chungkhar minung 50 leng nih September 25 zingka 8am in 9:30am tiang Tedim khuapi um CMBC biakinn pawngkam an thianhpiak hna. An biakinn ngeihmi Mucu Sianginn zongah ralkap nih eidin an pek hna.

CMBC cu Tedim khuapi ah chungkhar 300 leng member a ngeimi, a ngan bikmi biakinn asi.

CMBC pastor Rev. Suan Khen Mung nih, “September 24 zaan ah an ra i thaizing ah zaanghleicawi in nan biakinn kan in thianhpiak hna lai an ti caah kanmah zong nih lunglawm tein kan cohlan. Kan hnu zarh zongah Phungki Sianginn an thianhpiak hna,” tiah a chim.

“Voi dang ahcun hi bantukin ralkap nih Khrihfa biakinn ah zaanghleicawi rian an ttuan bal lo. Atu zong cu kanmah nih kan i thianh khawh lo ruangah si lo. Punghman in kan thianh peng ko nain fur cu nan theihmi kha si ko.

“Kum fatin ralkap sakhan le Nah Tah Lah sianginn ah Christmas kan tuahpiak lengmang hna caah mah cu an lunglawmhnak an langhter vemi zong si kho,” tiah a chim.

Tedim khuami Michael nih cun, “keimah hmuh ning ahcun, ralkap cu hlan lio tein an khuakhan ning a ttha. Mah ruang cun an tuahmi hi tinhmi ngei lo lungthawh menmen in an tuahmi cu asi lai lo,” tiah a chim.

“Cun, ralkap cawlcangh ning hi hlan lio he aa dang cang. Kachin pastor kong, Mandalay muslim biakinn ah an kalmi kong, tangka le facang an hlutmi hna kong le atu Chin state ah biakinn a kan thianh piakmi hna hi thil ttha lo cu an si lo. Mi hrem le namneh nak cun a ttha deuh ko.

“Nain, tinhmi pakhat an ngei. Keimah hmuhning ahcun mipi nih kan upat khawh hna i kan bochan khawh hna nak hnga an i zuam hau. Cutin an i zuam tikah a huaha lo tuah loin mipi thinlung ah a taang ding tuah hna seh ti ka duh.

“Kei cu an tuahmi hi thil ttha in ka ruah ko. An tuahmi tete hi thimnak a nai ruang le ramdang nih auhnawh ruang, tbk., ah an tuahmi si loin mipi zawnruahnak he punghman tein tuah hna seh ti ka duh,” tiah a chimchap.

Charhchan: Zalen

Kan Bawm Ve

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan rianṭuannak ah bawmh a kan duhmi nan um cun, thla 1 $5 tein bawmh khawh kan si. Lunglawmh thawngthanhnak caah na min le hmanthlak na kan kuat khawh cun kan i lawm chinchin ko hnga.

Email Kan Kua

Na email kan kua law, ni fatin thawngpang thar kan in kuat lai

Email Kan Kua

Na email kan kua law, ni fatin thawngpang thar kan in kuat lai

Ṭial Tharmi

Malaysia in a Tlungmi Laipa nih Kawlram ah Minung Tampi Tangka Ting 100 Leng a Hlen Hna

Malaysia ah mi tangka fir le mi tangka hlen a hman tuk ruangah Kawlram ah a zaammi Lai pa Zar Nyi nih Hakha, Chin...

Malaysia Covid-19 mizaw thar 970 le a dammi 2,348

Ngandamnak Vuanci Zung nih liamcia suimilam 24 chungah Covid-19 mizaw thar 970 le a thimi 4 an si tiah a thanh. Ngandamnak Vuanci Zung director-general...

VIDEO: Malaysia Cozah nih EMCO Chung um Kawlrammi 59 a Tlaih Hna

Malaysia cozah nih lockdown (EMCO) a tuahnak Hentian Kajang sang ah phungninglo ramdangmi 141 a tlaih hna, kawlrammi 59 an i tel. Hentian Kajang sang...

Ralrinpeknak: Pi Ni Zii hi Hakha ah Thil Zuar Pah in Mi Inn ah Thil Laak a Hman caah i Ralring Cio Uh

Ralrinpeknak le theihternak Pi Ni Zii@Saa Doi hi Hakha khuapi ah i chawh in Laithil le thil dangdang tibantuk a zuar tawn mi a si....

Ṭial Tharmi

Malaysia in a Tlungmi Laipa nih Kawlram ah Minung Tampi Tangka Ting 100 Leng a Hlen Hna

Malaysia ah mi tangka fir le mi tangka hlen a hman tuk ruangah Kawlram ah a zaammi Lai pa Zar Nyi nih Hakha, Chin...

Malaysia Covid-19 mizaw thar 970 le a dammi 2,348

Ngandamnak Vuanci Zung nih liamcia suimilam 24 chungah Covid-19 mizaw thar 970 le a thimi 4 an si tiah a thanh. Ngandamnak Vuanci Zung director-general...

VIDEO: Malaysia Cozah nih EMCO Chung um Kawlrammi 59 a Tlaih Hna

Malaysia cozah nih lockdown (EMCO) a tuahnak Hentian Kajang sang ah phungninglo ramdangmi 141 a tlaih hna, kawlrammi 59 an i tel. Hentian Kajang sang...

Ralrinpeknak: Pi Ni Zii hi Hakha ah Thil Zuar Pah in Mi Inn ah Thil Laak a Hman caah i Ralring Cio Uh

Ralrinpeknak le theihternak Pi Ni Zii@Saa Doi hi Hakha khuapi ah i chawh in Laithil le thil dangdang tibantuk a zuar tawn mi a si....

COVID-19

Vawleipumpi
60,518,725
A zawmi
Updated on November 25, 2020 7:36 pm
Vawleipumpi
1,422,921
A thimi
Updated on November 25, 2020 7:36 pm
Vawleipumpi
41,338,997
A dammi
Updated on November 25, 2020 7:36 pm
- Advertisement -