15.3 C
Hakha
Thursday, September 23, 2021
- Advertisement -

Ṭial Tharmi

Ralkap: CDM aa telmi cozah riantuan paoh dantat an si lai

Tuni ah ralkap nih media sinah thawngthanhnak an tuah.

CDM ah aa telmi cozah rianttuan paoh cu anmah le rian hoih ningin fak piin dantat an si lai tiah ralkap lei biachimtu ralbawi Zaw Min Tun nih a chim.

“Ngandamnak lei rianttuan hna nih sizung le sikhan ah mipi hna ngandamnak zohkhenh rian an ttuan lomi cu sibawi sinak in leirawi a si.

“Mipi pawl cu an zawtfah tikah a leng sizung le sikhan ah an i piah i tangka tampi an dih. Mipi harsatnak tampi an tong.

“Cucaah, a herh ningin dantat an si lai. Minung nunnak cu a biapi tukmi a si.

“A hleiin ralkap, palek le sibawi te cu biakamnak ngeimi an si. Biakamnak kan ngeihmi cu kan ram le mipi caah a si.

“CDM ah aa telmi cozah rianttuan pawl cu lungsau tein kan hngah ko hna. A kirmi cu dantat an si lai lo. A kir duh lomi tu cu dantat an si lai,” tiah Zaw Min Tun nih a chim.

Cun, thawngla lei nih Pi Aung San Suu Kyi le President U Win Myint ngandamnak kong le zeitik thlah an si lai timi zong an hal.

Ralbawi Zaw Min Tun nih a chimnak ah Pi Aung San Suu Kyi le President U Win Myint cu an dam lio si ko a ti. Nain, zeitik thlah an si lai ti cu a chim duh lo i upadi ningin tawlrel an si lai ti lawng a chim.

- Advertisement -

- Advertisement -

Rel Bikmi

Subscribe to The Chin Express Youtube

The Chin Express nih interview kan tuahmi hna le video thar kan tarmi pawl zoh lengmang na duh ahcun kan Youtube channel ah Subscribe tuah ve.

- Advertisement -