Uknak firtu Myanmar ralkap a cohlangtu Israel pa company cu ralkap cawngia piak dingin ralkap nih an hlan.
Ari Ben-Menashe timi Israel pa nih Dickens & Madson timi company cu Canada ram ah a dirh.
Runvennak Vuanci Bochohci Mya Tun Oo nih, “Myanmar sining dik hi ramdang nih an theih khawhnak hnga a kan ṭialpiak tu ding le cawngia piak tu dingah mah company hi kan hlan,” tiah America hrambunh Foreign Lobby tadinca ah nizaan ah a chim.
“Ralkap a kan cawnngia piak tu dingah kan hlanmi si,” ati.
Mah company nih cun US Hluttaw (Congress) le President Joe Biden acozah, Saudi Arabia, UAE, Arab ram pawl, Israel, Russia, United Nations, Africa le ramdang cozah le ramdang bu pawl sinah “Myanmar ram thil sining a ṭha tuk cang, sipuaizi tuahnak caah a ṭha tukmi ram asi” tiin a va chimrel lai tiah theih asi.
