Ralhrang Myanmar ralkap: Thimnak kan thawn khawh

- Advertisement -

Uknak firtu le rammi thattu ralhrang Myanmar ralkap aiawh biachimtu Ralbawi Zaw Min Tun nih, “Mah hi uknak kan firmi asi lo,” tiah CNN sinah a chim.

CNN nih nazi pakhat chung interview kan tuah lio ah atu bantukin a chim hi si, tiah CNN nih a ṭial.

“Thimnak a dik lo caah ralkap nih ram kan venmi asi,” ati. Zalam cungah sandahpiahtu 600 leng an thahmi hna cu “buai hmang sandahpiahtu pawl palh asi” ati.

Thimnak cu tlai deuh ah tuah dingin kan thawn khawh

February 1 ah ralkap nih uknak an fir ka ahcun “kum 1 chung ralkap nih ram kan uk lai i thimnak kan tuah lai” tiah TV in rampumpi ah thawng an rak thanh.

Sinain, tutan CNN interview ahcun, “Kum 1 chungah ralkap nih kan rian kan lim lo ahcun, kum 1 le thla 6 silole mah nak sau deuh kan uk khawh, thimnak kan thawn khawh,” tiah Ralbawi Zaw Min Tun nih a chim.

“2008 Phunghram ningah kum 2 chung caan kan ngei. Kum 2 chung ahcun thimnak cu tuah a hau.

“Thimnak kan tuah hrimhrim lai tiin bia kan kamh hna,” ati.

Aung San Suu Kyi cu mihrut asi

Liamcia kum 70 lengah Myanmar ralkap a dirhtu luatnak paralṭha Ralbawi Aung San nih atu lio kan ram boruak hi hmu sehlaw Aung San Suu Kyi hi “Ka fanu, na hrut tuk” ati lai, tiah a chim.

CNN nih a tialmi cu mah hi hmet law tling tein rel khawh asi.

Lian
Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih.Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...