Zalam cungah sualnak ngei lo mipi 600 dengmang a that cangmi ralhrang ralkap bawmtu Dr. Ngun Cung Lian cu US citizen chuh dingin minung 8,000 leng nih nawlnak minsen an thut cang.
Sualnak ngeilo rammi thah bawmtu Dr. Ngun Cung Lian cu kum 1996 October ah US a phan i hnu ah US rammisinak (citizenship) a ngah.
Mipi thattu ralkap nih bawmh an hal i a cohlan. Ralkap nih mipi an thah peng khawh hna i an bawi peng khawhnak ding caah ruahnak petu, bawmtu asi.
US president nih Myanmar ralkap le amah bawmtu paoh cu US rammi hohmanh nih pehtlaih hna lo ding le bawmh hna lo dingin nawl a chuah i phihkhamnak a tuah.
Dr. Ngun Cung Lian cu US citizen asi buin Myanmar ralkap a bawmh hna caah US president nawl chuahmi a buar.
Mah ruangah, Dr. Ngun Cung Lian a tangka luhnak vialte US cozah nih hlathlai i a herh ningin hma lak ding le US citizen chuh dingin Myanmar mipi nih nawlnak an tuah i minung 8,000 leng nih “kan lungtling” tiin nawlnak ah minsen an thut cang.
Mah hi hmet law nawlnak ah minsen thut ve khawh asi.
