9 C
Hakha
Saturday, February 27, 2021

COVID-19

Vawleipumpi
114,328,508
A zawmi
Updated on February 27, 2021 9:54 pm
Vawleipumpi
2,535,847
A thimi
Updated on February 27, 2021 9:54 pm
Vawleipumpi
89,808,494
A dammi
Updated on February 27, 2021 9:54 pm

Ral ruangah Chin state sianginn 118 ah cachimtu an umlo

Advertisement

Chin state Paletwa peng sianginn 118 ah cachimtu saya/ma pakhat hmanh an um lo, cun sianginn dang 94 ah cachimtu 1 cio lawng an um, tiah cozah rianṭuan nih an chim.

Chin state Paletwa peng sianginn ah cachimtu an i zatnat dingah saya/ma 300 hrawng kan herh, tiah Sipin Vuanci U Soe Htet nih a chim.

Paletwa peng cu Rakhine state he aa rimi asi. Paletwa peng khuate auhsuh 388 ah primary, middle le high schools 384 a um.

“Cozah nih Chin state pumpi primary, middle le high school dihlak caah cachimtu 360 lawng a kan pek. Saya/ma 360 cu Paletwa peng ca lawng hmanh ah a za fang si lai. Chin state pumpi caah cun cachimtu 600 paoh kan herh,” tiah U Soe Htet nih a chim.

“Cachimtu 360 cu ni 1 hlawh 5,000 kyats in tu kum June thla ah Chin state ah chiah an si. Cachimtu tam deuh cu university in degree a ngahmi Chinmi deuh an si hna, nain cheukhat cu Taanghra awng lawng an si.

“Paletwa peng sianginn tam deuh cu AA le Kawl Ralkap ral a dih rih lo caah an ong ngam hna lo,” a ti.

CHRO nih, “kanmah lei zaanghleicawi pawl nih Paletwa peng sianginn cheukhat ah cachimh an bawmh hna nain ral ruangah an kir,” ati.

November 2018 ah Paletwa peng ah AA le Kawl Ralkap an i kah caah khuate 7 hrawng nih an khua an zaam tak i sianginn 118 khar a rak si.

U Soe Htet nih, “sianginn cu tu kum June thla ah an on ṭhan nain ral a um ṭhan lengmang caah an khar ṭhan hna,” ati.

June thla ah AA nih Paletwa peng saya/ma 5 telh in khuatlawng Chinmi 19 an fir hna, facang phorhnak caah an hmanmi sethle/lawng zong an fir chih. Hnu ah an thlah ṭhan hna.

“I kahnak um cun, ral a daih hlan paoh sianginn an khar. A him lo caah saya/ma pawl zong an zaam tawn. Paletwa pengah ciah zong an ṭih. Hihi ngakchia caah a ṭha bak lo, daihnak leng colh seh ti kan duh,” tiah U Soe Htet nih a chim.

- Advertisement -

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

Ṭial Tharmi

Ṭial Tharmi

COVID-19

Vawleipumpi
114,328,508
A zawmi
Updated on February 27, 2021 9:54 pm
Vawleipumpi
2,535,847
A thimi
Updated on February 27, 2021 9:54 pm
Vawleipumpi
89,808,494
A dammi
Updated on February 27, 2021 9:54 pm
- Advertisement -