23.7 C
Hakha
Thursday, June 24, 2021
- Advertisement -

Ṭial Tharmi

Rakhine in Yangon a kalmi paoh Covid-19 test an si lai

Rakhine state, Sittwe khua in Yangon lei ah a kalmi paoh cu Covid-19 an ngeih/lo test an si lai pinah Yangon an phak hnu ah khumherh (quarantine) an si lai tiah kan theih.

Covid-19 testnak cu August 20 in an thok lai tiah Yangon ramtthen Covid-19 dohtu chairman U Naing Ngan Lin nih a chim.

“Sittwe in Yangon ah a rami paoh Yangon ah quarantine an si lai. Swab voi 2 kan lak hna lai. Khumherhnak caah Hotel silole Facility Quarantine tiin thim khawh a si lai.

“Rampi cozah nih a kan fialmi a si. Sittwe khua in a rami paoh quarantine tuah ding le swab lak ding lawng a kan fial rih” tiah U Naing Ngan Lin nih a chim.

August 16 ah Sittwe khua ah Bank rianttuan nu pakhat (Case 375) sinah Covid-19 zawtnak rungrul an hmuh. Minu cu Covid-19 ngei he aa chawnbiami an silo pinah ramdang ah khual a tlawng lomi a si.

Myanmar ram ah ramchung ah Covid-19 zawtnak aa chawnmi an um lonak thla 1 a tlin dengmang hnu ah atu bantuk in Covid-19 mizaw thar an hmuh hi a si.

Ngandamnak Vuanci Zung nih August 20 zinglei tiang ah Sittwe ah Covid-19 zawtnak ngei 6 kan hmuh hna tiah thawng a thanh. Cheukhat cu Covid-19 mizaw he aa chawnbia lomi an si pinah ramdang ah khual a tlawng lomi an si.

Cheukhat cu Covid-19 mizaw nih zawtnak chawnhmi an si.

Cupinah, August 20 zaan 8pm thawngthanhmi ah Sittwe ah mizaw 3 an hmuhchap hoi hna.

Atu hi Rakhine state, Sittwe khua ah zeitindah zawtnak an i chawnh ti hngalh lomi Covid-19 mizaw 9 an um.

- Advertisement -

Ṭial Tharmi

Malaysia boss pawl nih ‘lockdown donghter cang’ tiin cozah an hal

Kuala Lumpur: Malaysia Rianngeitu Phu (Malaysian Employers Federation - MEF) nih, "Full lockdown (FMCO) hi a rannak in donghter cang," tiin nizaan ah cozah...

Falam ah COVID-19 in minung 1 a thi chap

Zahan zaan suimilam 8 hrawngah Matubuk sang um Salai Lal Tha Eng, kum 25 cu COVID-19 zawtnak in an inn ah a nunnak liam....

COVID-19 ruangah kharmi Paletwa sianginn an on ṭhan cang hna

Chin state, Paletwa peng sianginn pawl cu COVID-19 zawtnak an hmuh caah an khar hna nain tuni June 23 ah an on ṭhan cang...
- Advertisement -

Malaysia rammi nih ‘refugee hi hmun dangah umter hna uh’ tiin cozah an hal

Malaysia Ramchung Vuanci Pu Hamzah Zainudin nih, "UNHCR card aa tlaihmi pawl hi hmun dangte ah anmah lawngin umter hna uh tiin kan rammi...

CRC Malaysia: Covid Raikham Sii Chunhnak Minpeknak Theihternak

Malaysia um Chin miphun hawikom dawt hna Covid raikham sii chunhnak kong he pehtlai in theither kan in duhmi hna cu nan mah le...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -