16.4 C
Hakha
Thursday, July 29, 2021
- Advertisement -

Ṭial Tharmi

Rakhine in Chin chungkhar 700 Magway ah zaam tim, chungkhar 100 zaam cang

Rakhine state, Ann peng um Chin chungkhar 700 hrawng cu Magway region lei ah zaam dingin timhtuahnak an ngei i chungkhar 100 cu an zaam cang, tiah kan theih.

Myanmar cozah ralkap le Rakhine hriamtlai AA ral a zual chin lengmang ruangah Ann pengah chan tampi a um cangmi Chinmi hna cu ralzaam dirhmun in an um peng. Mah ruangah atu bantukin Magway region lei ah zaam (peem) lawlaw an i timhnak asi.

Asho Chin mino hruaitu Salai Ro Maung nih, “Ann peng lei in inn 700 hrawng nih kanmah Magway lei ah peem dingin a kan pehtlaih. Kanmah zong nih ka lei hin hmun kan kawl cuahmah lio asi,” tiah a chim.

“An umnak lei cun ral a um ruangah um zong an ngamh ti lo. Cun mino pawl zong an tlaih lengmang hna caah an thinphang tuk i ka lei hin mino tamtuk an rung phan cang. An khua cun upa le tar lawng an taang cang,” tiah a chim.

“Ann pengin Magway region Ngaphe peng lei ah a peem cangmi Chin chungkhar 100 leng cu, Hmunhma Kawltu Committee kan dirh i khuate pakhat ah inn 5 in inn 10 kar tiin khuate kip ah kan chiah hna.

NLD cozah nih a bawm duh hna lo

“A rung peemmi hna kong cu cozah sinah thawng kan thanh ko nain atutiang zeihmanh an bawm rih hna lo.

“Kan hnu lei zong khan peem aa timmi minung 100 hrawng kan bawmh hna. Voi 3 tiang cozah sinah thawng kan thanh cang nain zeihmanh an bawm hna lo. Hika ah ummi Chin Siangngakchia Bu cheukhat le adang zatlang bu cheukhat nih kan tawlrel peng hna.

“Ann peng in peem aa tim rihmi chungkhar 500 hrawng zong atu hi Magway region i Mindung lei ah khua tlakpiak hna dingin kan timh lio asi.

“Tu hnu ni 4 hrawngah rawl kan va pek pah hna in Magway lei ah peem a duhmi min cazin kan lak pah lai. Min cazin kan lak khawh cangka in cozah sinah ca kan ṭial lai. Kan ṭial cangka in hmun kan kawlpiak cangmi hna ah kan chiah hna lai kan ti,” tiah a chim.

AA le cozah ralkap ruangah Rakhine state ah ralzaam an karh chin lengmang tiah kan theih.

Charhchan: Chin World

- Advertisement -

Ṭial Tharmi

Malaysia: Raikhamsi voi 2 aa chun cangmi pawl cu restaurant ah rawl ei ngah cang lai

COVID-19 raikhamsi voi 2 ning tein aa chun cangmi pawl cu tu hnu ni tlawmpal ah zapi zaran nakin an zalong deuh cang lai. Malaysia...

Aung La i phomh dingin Singapore a phan cang, a sung hoi hnga maw?

Aung La Nsang cu July 30 ah Singapore ah Brazil pa Ataides he aa phomh ding an si caah tuni ah Singapore ram a...

US ah Pu Van Hnuai Hnin a nunnak liam

US ram, Indianapolis khuapi um Pu Van Hnuai Hnin nih ruah lo piin July 20 zaanlei 4:30pm ah hi vawlei nunnak in a kan...
- Advertisement -

Malaysia: October thla ahcun kan ram um kum 18 cung vialte COVID-19 raikhamsi kan chunh dih hna lai

Malaysia ram hruaitu Rampumpi Vuancichoh Pu Muhyiddin Yassin (hmanthlak) nih, "A ra laimi October thla ahcun kan ram um kum 18 cung vialte (rammi...

Malaysia nih raikhamsi voi 2 aa chun cangmi pawl caah SOP dorh/lo hmai zarh ah bia a chah lai

Malaysia ram hruaitu Prime Minister Pu Muhyiddin Yassin nih, "COVID-19 raikhamsi voi 2 aa chun cangmi pawl caah COVID-19 zulhphung SOP dorh/lo cu hmai...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -