Rampumpi state le region dihlak kum 12 tang (U-12) bawlung chuih zuamnak quarter-final ah Chin le Ayeyarwaddy an i phomh lai. Ayeyarwaddy team hi ni kum ah pahnihnak a ngahmi, a thiam ngaimi si caah thinphang asi ko.

Thaizing kiptuh October 27 zingka 8am ah Yangon um Myanmar Football Federation ngeihmi hramh-deu phahmi certual ah an chuih lai.

An chuih lio cu Zalen nih an Facebook page ah LIVE a thlah ve te lai.

Chin state U-12 team ningchim (coach) U Ki Ling nih, “kan team ah a damlo mi ngakchia kan chuihter rih ahcun a dammi ngakchia kan sung lai. Voi khat ah a damlo mi kan chuihter chih i certual chungah a lungmit i a tluk caah kan chuah tthan,” tiah a chim.

“Myanmar Football Federation nih amah kha an chuihter ti lo ahcun kan team caah thinphan awk um lo. Quarter-final ah kan sungh cun tlun kan hau cang.

“Kan tei cun semi-final kan kai lai. Ayeyarwaddy team hi a thiammi team lakah aa tel vemi si,” tiah a chim.

Atutiang ah, Chin team cu puai 3 an chuih cang. Puai 3 ning in teinak an hmu i goal 29 an goal cang.

Ni kum U-12 bawlung chuih zuamnak ah Chin nih pathumnak an ngah. Ayeyarwaddy nih pahnihnak le Magway nih 1nak an ngah.

Charhchan: Zalen

Tial Lian Thang

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express...